सोशल मीडियावर एक खतरनाक व्हिडीओ व्हायरल झाला आहे. यात एक कोब्रा फणा काढून एका दरवाज्यावर बसलेला आहे. हा व्हिडीओ कुठला आहे हे समजू शकलेलं नाही. पण व्हिडीओ लोकांना फारच आवडलाय. हा व्हिडीओ पाहून लोक म्हणाले की ही बेस्ट सिक्युरिटी सिस्टीम आहे. तर काही लोक म्हणाले की, याला बघून लोक घरात शिरण्याचा काय तर आजूबाजूला फिरण्याचाही विचार करणार नाही.
हा व्हिडीओ ट्विटरवर @DoctorAjayita ने शेअर केला आहे. या व्हिडीओला आतापर्यंत २ हजारांपेक्षा जास्त व्ह्यूज आणि २०० पेक्षा जास्त लाइक्स मिळाले आहेत.
हा व्हिडीओ २४ सेकंदाचा आहे. ज्यात एक खतरनाक कोब्रा साप घराच्या मेन दरवाज्यावर बसलेला आहे. तो नुसता बसून नाही तर फणा काढून बसलेला आहे. व्हिडीओ बनवणाऱ्या व्यक्तीने त्याला जवळून शूट करण्याचा प्रयत्न केला तर त्याने दोन-तिनदा फणा मारण्याचा प्रयत्नही केला. साप बराच मोठा आणि आक्रामक दिसत आहे.