King Cobra Video : सोशल मीडियावर वेगवेगळ्या प्राण्यांचे अनेक अवाक् करणारे व्हिडीओ व्हायरल होत असतात. किंग कोब्रा सापांचे तर हजारो व्हिडीओ सोशल मीडियावर असतील. पण तुम्ही कधी किंग कोब्राचं पिल्लू अंड्यातून बाहेर कसं निघतं हे बघितलं का? क्वचितच असा नजारा कुणी बघितला असेल. सध्या सोशल मीडियावर असा एक व्हिडीओ व्हायरल झाला आहे.
एक वर्षाआधी हा व्हिडीओ इन्स्टाग्रामवर शेअर करण्यात आला होता. आता पुन्हा एकदा एक्सवर @AMAZlNGNATURE नावाच्या पेजवर हा व्हिडीओ पोस्ट करण्यात आला आहे. व्हिडिओत एक व्यक्ती हळूहळू किंग कोब्राचं एक अंड हातात धरताना दिसत आहे. ज्यातून एक साप बाहेर येताना दिसत आहे. छोटा कोब्रा आपली जीभ बाहेर काढतानाही दिसत आहे. हा व्हिडीओ पाहून काही लोकांना भीती वाटू शकते, पण हा नजारा नेहमी बघायला मिळत नाही.
बरेच लोक हा व्हिडीओ पाहून मंत्रमुग्ध झाले आहेत. तर काही लोक किंग कोब्राचं पिल्लू बाहेर येताना पाहून थक्क झाले आहेत. तर काही लोकांना हा व्हिडीओ भितीदायक वाटला. लोकांच्या वेगवेगळ्या प्रतिक्रिया या व्हिडिओवर येत आहेत.
किंग कोब्रा हा साप खूप शक्तीशाली मानला जातो. हा साप आपल्या खतरनाक विषासाठी ओळखला जातो. तसेच याची लांबी अठरा फूटही असू शकते. हा एकमेव असा साप आहे जो आपल्या पिल्लांसाठी घरटं बनवतात.