King Cobra Dance Video: अनेक लोकांना डान्स करणं फारच आवडतं. सगळे लोक आपापल्या अंदाजात डान्स करतात. लग्न किंवा पार्टीमध्ये डान्स तर असतोच. नागिन डान्स तर अनेकांच्या आवडीचा डान्स आहे. हा डान्स करताना लोकांच्या असं काही अंगात येतं की विचारू नका. सोशल मीडियावर तर नागिन डान्सच्या व्हिडीओंचा नेहमीच धुमाकूळ होत असतो. पण आज आम्ही तुमच्यासाठी जो डान्स व्हिडीओ आणला तो वेगळा आहे. यात दोन किंग कोब्रांचा 'रोमॅंटिक डान्स' बघायला मिळणार आहे.
लोकांना तर तुम्ही अनेकदा डान्स करताना पाहिलं असेल, पण आता किंग कोब्राला 'डान्स' करताना बघा. व्हायरल व्हिडीओमध्ये तुम्ही बघू शकता की, दोन किंग कोब्रा समोर-समोर आहेत. दोघेही हळूहळू वरच्या दिशेने उठत आहेत. दोघे थोडे जवळ येतात आणि डोलू लागतात. त्यांचं हे असं करणं पाहून काही क्षणांसाठी असं वाटतं की, ते डान्सच करत आहेत. दोघांचा डान्स पाहून लोक अवाक् झाले आहेत.
कोब्राचा असा 'डान्स' तुम्ही आधी क्वचितच पाहिला असेल. लोकांना हा व्हिडीओ फारच आवडला आहे. इन्स्टाग्रामवर हा व्हिडीओ 'snake_unity' नावाच्या अकाऊंटवर शेअर करण्यात आला आहे. या व्हिडीओला आतापर्यंत ५० हजारांपेक्षा जास्त व्ह्यूज मिळाले आहेत. तर लोक भरभरून या व्हिडीओवर कमेंट करत आहेत. काही म्हणाले की, दोघेही रोमान्स करत आहेत.