गेल्या काही दिवसापूर्वी स्वत:शीच लग्न केल्या प्रकरणी एक टिकटॉक स्टार सोशल मीडियावर व्हायरल झाली होती. ती म्हणजे तुर्की टिकटॉक स्टार कुब्रा अयकुट. तिच्याबाबत आता एक धक्कादायक बातमी समोर आली आहे. हिचे वयाच्या २६ व्या वर्षी निधन झाले आहे. मिळालेल्या माहितीनुसार, इस्तंबूलच्या सुल्तानबेली येथील एका लक्झरी अपार्टमेंटच्या पाचव्या मजल्यावरून पडून सोमवारी अयकुटचा मृत्यू झाला. स्थानिक अधिकाऱ्यांना तिच्या मृतदेहाजवळ एक सुसाईड नोटही सापडली असून त्यामुळे ही आत्महत्या असल्याचे मानले जात आहे.
इस्रायलचे हिजबुल्लाहवर जबरदस्त हल्ले, नसरल्लाहनंतर आता नबील कौकचा खात्मा! कसा केला? जाणून घ्या
या प्रकरणी आता पोलिसांनी तपास सुरू केला आहे. अयकुतच्या चाहत्यांनी त्यांच्या चिंता सोशल मीडियावर शेअर केल्या आणि अयकुट तिच्या मृत्यूपूर्वी त्रासदायक पोस्ट पोस्ट करत असल्याचे निदर्शनास आणून दिले. नुकतेच तिने आपल्या वजनाबाबत एक पोस्टही केली होती. या पोस्टची सोशल मीडियावर चर्चा झाली होती. आपल्या शेवटच्या पोस्टमध्ये अयकुटने लिहिले होते की, मी माझी सर्व शक्ती वापरली आहे पण तरीही माझे वजन वाढत नाही. दररोज माझे एक किलो वजन कमी होत आहे आणि मला काय करावे हे समजत नाही.
अयकुतने टिकटॉकवर एक वेगळी ओळख निर्माण केली आहे. एका व्हिडिओमध्ये तिने जाहीर केले की, मी माझ्यासाठी योग्य वर शोधू शकत नाही. यानंतर, अयकुत तिच्या कारमध्ये पुष्पगुच्छ घेऊन निघून जाताना दिसत आहे आणि स्वतःवर प्रेम करण्याचे वचन देत आहे. यानंतर, तिने त्याच दिवशीचा आणखी एक व्हिडीओ पोस्ट केला, यामध्ये तिने बर्गर खाताना नर्व्हस वधू असल्याचे सांगितले.
तिच्या निधनाच्या वृत्ताने सोशल मीडियावर शोककळा पसरली असून तिच्या फॅन्सना धक्का बसला आहे.