भारतात सर्वत्र नवरात्र उत्सव जल्लोषात सुरू आहे. बुधवारी ऑलिम्पिक गोल्डन बॉय नीरज चोप्रा ( Neeraj Chopra) याने गुजरात येथे सुरू असलेल्या राष्ट्रीय क्रीडा स्पर्धेला हजेरी लावली. त्याआधी त्याने वडोदरा येथील नवरात्रोत्सवात सहभाग घेत गरबाही खेळला. नीरजचा हा व्हिडीओ सोशल मीडियावर धुमाकूळ घालतोय... त्यात शुक्रवारी BCCI सचिव जय शाह ( Jay Shah) आणि गृहमंत्री अमित शाह ( Amit Shah) यांचा व्हिडीओ तुफान व्हायरल झाला. नेटिझन्सनीही त्याचा पुरेपूर आनंद लुटला.
या व्हिडीओत शाह कुटुंबीय पूजा करताना दिसत आहेत आणि त्याचवेळी अमित शाह यांनी जय शाह यांना ओरडल्याचे दिसतेय. पूजा करताना जय शाह यांचे लक्ष दुसरीकडे असल्याने वडिल अमित शाह यांनी त्यांना ओरडले. त्यावरून बाब तो बाप होवे है! मिडल क्लास का हो या BCCI सेक्रेटरी का! असा ट्रेंड सुरू झाला आहे. ''आमा ध्यान दे! ( इथे लक्ष दे)'' असा दम अमित शाहांनी मुलाला भरल्याचा दिसतोय... ‘_dekhbhai_’ या इंस्टाग्राम अकाऊंटवर हा व्हिडीओ व्हायरल झाला आणि त्याला आतापर्यंत ५० हजाराहून अधिक लाईक्म मिळाले आहेत.
नेटिझन्सही या व्हिडीओवरून जय शाह यांची मजा घेताना दिसतायेत...