Haircut Salon Accident Viral Video: अनेकदा रस्ते अपघात टाळण्यासाठी लोक खबरदारी घेतात. पण अचानक होणाऱ्या अपघातांबद्दल कोणालाच आगाऊ माहिती नसते, त्यामुळे लोक स्वतःला सावध ठेवण्याचा प्रयत्न करतात. पण काही वेळा तुम्ही काहीच करू शकत नाही. कारण अपघात हा अतिशय विचित्र प्रकारे घडतो. वीट-दगडाच्या आणि सिमेंटच्या भिंतीच्या पलीकडे बसलेली व्यक्तीला ही एखाद्या कारने उडवलं असं म्हटले तर तुम्हाला पटेल का... पण खरंच असं घडलं आहे. हे ऐकायला खूप विचित्र वाटत असले तरी घडले आहे.
या संदर्भात एक धक्कादायक व्हिडिओ समोर आला आहे. सलूनमध्ये केस कापणे आणि आपल्या केस कापण्याचा नंबर येण्याची वाट पाहणे एका व्यक्तीला भलतेच महागात पडले. अशी अतिशय सामान्य प्रक्रिया सुरू असतानाच तेवढ्यात एका मोठ्या कारने भिंत आणि दरवाजा तोडून आत प्रवेश केला. ही गोष्ट ऐकताना नक्कीच अशक्य वाटते. पण असं खरंच घडलं. पाहा व्हिडीओ-
संपूर्ण घटना अशी घडली की, पाच-सहा पुरुष एका सलूनमध्ये होते. त्यावेळी दोन लोक दोन लोकांचे केस कापण्यात व्यग्र होते. एक माणूस बेंचवर बसलेला होता. त्याच वेळी अचानक साऱ्या जणानी एंट्री गेटकडे पाहिले आणि काहीसे घाबरले. त्या लोकांना काही भीतीदायक गोष्ट दिसली अशा प्रकारे त्यांनी एंट्री गेटच्या दिशेने नजर मारली जणू काही त्यांनी काही तरी भयावह गोष्ट ऐकली आणि त्यांना धक्का बसला. तितक्यात बेंचवरचा माणूस दुसऱ्या बाजूला जाण्याचा प्रयत्न करताना दिसला. दोन ग्राहक पटकन त्या बाकावरून उठले पण एकाला काही कळायच्या आतच एक भरधाव कार थेट सलूनमध्ये घुसली आणि तो माणूस संकटातून बाहेर पडण्याआधीच त्याच्या दिशेने कार भरधाव वेगाने सलूनमध्ये धडकली. बेंचवर बसलेल्या माणसाला गाडीची जोरदार धडक बसली. पुढे त्याचे काय घडले हे कळले नसले तरी ती धडक पाहता त्या व्यक्तीला दुखापत झाली असणार असे म्हणण्यात येत आहे. सलूनमध्ये लावण्यात आलेल्या सीसीटीव्ही कॅमेऱ्यात कैद झाली आहे.