Groom Viral Video : लग्नाच्या सीझनमध्ये सोशल मीडियावर नवरी-नवरदेवांचे अनेक मजेदार व्हिडीओ व्हायरल होत असतात. यूजर्सही असे व्हिडीओ मोठ्या आवडीने बघतात आणि ते त्यांना आवडतातही. लग्नातील मजेदार व्हिडीओंच्या लिस्टमध्ये आणखी एका व्हिडीओची भर पडली आहे. व्हिडीओत बघू शकता की, नवरी-नवरदेव स्टेजवर हार घालण्यासाठी उभे आहेत. पण यावेळी नवरदेवाला असा काही राग येतो की तो भलतंच काहीतरी करून बसतो. जे बघून तुम्ही हसून लोटपोट व्हाल.
व्हायरल झालेल्या या व्हिडीओत तुम्ही बघू शकता की स्टेजवर नवरी-नवरदेव एकमेकांना हार घालण्यासाठी उभे असतात. काही पाहुणे तिथे स्टेजच्या आजूबाजूलाच उभे असतात. पण हा रिवाज जरा फिल्मी स्टाइलने प्लान केला गेला आहे. त्यामुळे नवरदेवाच्या डोक्यावर एक ड्रोन फिरत आहे. ज्याला हार टांगलेला आहे. ड्रोन बराच वेळ नवरदेवाच्या डोक्यावर फिरत आहे. पण अचानक नवरदेवाला या गोष्टीचा राग येतो आणि मग तो हार पकडून ड्रोनसहीत जमिनीवर आपटतो. नवरदेवाने केलेला हा कारनामा पाहून सगळेजण हैराण होतात. पण त्यानंतर तो हार नवरीच्या गळ्यात घालतो.
हा व्हिडीओ पाहून तुम्ही जोरजोरात पोट धरून हसाल हे नक्की. कारण नवरदेवाचे तुम्ही अनेक कारनामे पाहिले असतील, पण असा नक्कीच पाहिला नसेल. या व्हिडीओला आतापर्यंत ४८ हजारांपेक्षा जास्त व्ह्यूज मिळाले आहेत. लोक या व्हिडीओवर भरभरून कमेंट्स करत आहेत. एका यूजरने लिहिलं की, बिचाऱ्याने जेवढा खर्च लग्नासाठी केला त्यापेक्षा जास्त महाग ड्रोन पडला.