Funny Theft Video: तुम्ही सोशल मीडियावर चोरीचे अनेक व्हिडीओ पाहिले असतील. अनेक व्हिडीओ असे असतात जे बघून तुम्हीही चोरांच्या चोरी करण्याच्या स्टाइलवर फिदा होता. आजकालचे चोर तर आणखीनच हुशार झाले आहेत. ते अशा स्टाइलने चोरी करतात की, बघणारेही हैराण होतात. अनेक चोर तर सीसीटीव्ही कॅमेरालाच मात देतात. काही दिवसांपूर्वी तर काही चोर बुलडोजरने एटीएम मशीन उचलून घेऊन गेले होते.
चोरीचा एक व्हिडीओ सध्या सोशल मीडियावर व्हायरल झाला आहे. ज्यात चोर बाइकची चोरी करताना दिसत आहेत. बाइक चोरीच्या वेगवेगळ्या घटना तुम्ही ऐकल्या किंवा वाचल्या असतील. कुणी हॅंडल लॉक तोडून बाइक चोरी करतात तर कुणी रातोरात गाडी उचलून नेतात. या व्हिडीओत सर्वात खास बाब म्हणजे चोरी करण्याची स्टाइल आहे. व्हिडीओ बघून तुम्हाला चांगलीच मजा येईल.
व्हिडीओत बघू शकता की, एक व्यक्ती काही वस्तू खरेदी करण्यासाठी बाइकने दुकानात येतो. तो दुकानाबाहेर बाइक उभी करून आत जातो. इतक्यात दोन तरूण त्याच्या बाइकजवळ येतात आणि बाइकचा एक एक पार्ट उचलून नेतात. सोशल मीडियावरील चोरीचा हा मजेदार व्हिडीओ पाहून लोक पोटधरून हसत आहेत.
तुम्ही बघू शकता की, जेव्हा व्यक्ती दुकानातून वस्तू घेऊन बाहेर येतो तेव्हा त्याला बाइक दिसतच नाही. तिथे केवळ बाइकचं हॅंडल दिसतं. हे बघून त्याला धक्का बसतो. हा व्हिडीओ केवळ मनोरंजनासाठी तयार करण्यात आला आहे. व्हिडीओ फारच मजेदार आहे. हा व्हिडीओ brown_monda34 नावाच्या इन्स्टाग्राम अकाऊंटवर शेअर करण्यात आला आहे. आतापर्यंत या व्हिडीओ ४५ लाखांपेक्षा जास्त व्ह्यूज मिळाले आहेत.