काही महिन्यांपूर्वी एक व्हिडीओ व्हायरल झाला होता. ज्यात बघायला मिळालं होतं की, एक महिला हत्तीजवळ फोटो बघायला गेली आणि हत्तीने तिला जोरदार फटका मारला होता. अशीच एक पण जरा वेगळी घटना असलेला एक व्हिडीओ समोर आला आहे. यात एक महिला फोटोग्राफर हत्तीच्या इतक्या जवळ जाते की, तिच्या जीवाला धोकाही झाला असता. पण हत्तीने असं काही केलं जे माणसंही करत नाहीत.
हा व्हिडीओ ट्विटरवर Susanta Nanda IFS ने शेअर केला आहे. व्हिडीओसोबत यूजरने लिहिले आहे की, 'हा हत्ती फारच शांत स्वभावाचा आहे. तो महिलेला फारच सभ्यपणे हे सांगता दिसतो आहे की, तिने कुठे असावं. असो, पण सगळेच इतके नशीबवान नसतात. प्राण्यांपासून सुरक्षित अंतर ठेवावं'.
या व्हिडीओतील हत्तीचा समजदारपणा लोकांच्या मनाला फारच भावला. कारण तो काहीही करू शकला असता. पण त्याने तसं न करता महिलेला बाजूला केलं आणि शांत राहिला. आतापर्यंत हा व्हिडीओ ३ हजारपेक्षा जास्त लोकांनी पाहिलाय तर ५०० पेक्षा जास्त लाईक्स याला मिळाले आहेत. यावर काही लोकांनी कमेंटही केल्या आहेत.