Elephant eating panipuri : स्ट्रीट फूड खाण्याची क्रेझ भारतीय लोकांसारखी आणखी कुठे बघायला मिळत नाही. भारतात खासकरून पाणीपुरीची क्रेझ सगळ्यांनाच माहीत आहे. लहानांपासून मोठ्यांपर्यंत सगळेच रोज पाणीपुरीचं आनंद घेतात. फार क्वचित कुणी असं असेल ज्याला पाणीपुरी आवडत नाही. पाणीपुरी लोकांमध्ये तर फेमस आहेच, सोबतच प्राण्यांनाही याची टेस्ट आवडते.
सोशल मीडियावर सध्या एक व्हिडीओ व्हायरल झाला आहे. ज्यात एका पाणीपुरीच्या गाडीजवळ थेट हत्ती पोहोचला. इतकंच नाही तर हत्ती एकापाठी एक पाणीपुरी सोंडेच्या मदतीने खात आहे. हा नजारा पाहून आजूबाजूला लोकांची गर्दी झाली आहे. हत्तीला आवडीने पाणीपुरी खाताना पाहून लोकही अवाक् झाले आहेत. पाणीपुरी विकणारी व्यक्तीही हत्तीला एकपाठी एक पाणीपुरी देत आहे.
हा अनोखा व्हिडीओ सोशल मीडियावर चर्चेचा विषय ठरत आहे. हा व्हिडीओ इन्स्टाग्रामवर पोस्ट करण्यात आला आहे. हत्तीवर एक व्यक्तीही बसलेली दिसत आहे. हत्ती ज्याप्रमाणे पाणीपुरीचा आनंद घेत आहे ते पाहून तर हेच वाटतं की, हा हत्ती रोज इथे पाणीपुरी खाण्यासाठी येत असेल.
केवळ एका दिवसात या व्हिडिओला ७५ हजारांपेक्षा जास्त लाइक्स मिळाले आहेत. तर १ मिलियनपेक्षा अधिक व्ह्यूज मिळाले आहेत. लोक यावर वेगवेगळ्या प्रतिक्रियाही देत आहेत. एकाने गमतीने लिहिलं की, 'हा हत्ती नसेल नक्कीच हत्तीण असेल'.