Desi bride viral video: लग्नाच्या दिवशी नवरा नवरीला घरातून बाहेर पडण्यासाठी क्वचितच वेळ मिळत असेल. जर काही खाण्यापिण्यासाठी लागलं तर ऑनलाइन ऑर्डर करण्याची मुभाही असतं. परंतु, लग्नापूर्वीच नवरी मुलगी फॉफी पिण्यासाठी स्टारबक्समध्ये गेली. सोशल मीडियावर सध्या हा व्हिडीओ प्रचंड व्हायरल होत आहे.
हा व्हिडीओ इन्स्ट्राग्राम हँडल वेडलुक मॅगझीन (wedlookmagazine) पोस्ट केला आहे. यामध्ये नवरी मुलगी लग्नाच्या पूर्वी आपल्या घरी परत जाताना दिसत आहे. ती कार ड्राईव्ह करताना स्टारबक्सच्या कॉफीचा आनंद घेताना दिसत आहे. हा व्हिडीओ शेअर करत त्यांनी केवळ स्टारबक्सची कॉफीच तुमच्या लग्नाची चिंता कमी करु शकते, असं त्यात कॅप्शनही देण्यात आलं आहे.
हा व्हिडीओ व्हायरल झाल्यानंतर अनेक लोकांनी त्यावर कमेंट्सही केल्या आहे. काही लोकांनी आपल्या जवळच्या लोकांनाही टॅग केलं आहे. तर काही लोकांना अशा लग्नाच्या कपड्यांमध्ये कॉफी पिताना ती कशी ड्राईव्ह करू शकते असा प्रश्न पडला आहे.