तरूण-तरूणी अलिकडे सोशल मीडियाच्या माध्यमातून अधिक जवळ येत असल्याचे बघायला मिळते. मुलींना आपल्याकडे आकर्षित करण्यासाठी तरूणही नेहमी वेगळ्या आयडियाच्या कल्पना लढवत असतात. अशीच एक भन्नाट आयडिया सोशल मीडियात व्हायरल झाली आहे. सोशल मीडियात एक Resume व्हायरल झाला असून हा नोकरीसाठी नाही तर तरूणीला डेटसाठी विचारणा करण्यासाठी तयार केला आहे.
कॅलिफोर्नियात सॅन दिएगो विद्यापीठात शिकत असलेल्या जेम्स नावाच्या तरूणाचा हा Resume जगभर चर्चेत आला आहे. जेम्सला गेल्या वर्षांपासून एक मुलगी आवडत होती. पण तिला डेटसाठी विचारणा करण्याची त्याची हिंमत होत नव्हती. अखेर त्याने याचं एक समाधान शोधून काढलं. त्यानं चक्क Resume पाठवला असून तो सोशल मीडियावर व्हायरल होत आहे.
जेम्सने Resume मध्ये स्वत:बद्दलची माहिती दिली आहे. यात तो खुपच Funny असल्याचं म्हटलं आहे. तसंच तो आईचा लाडका असल्याचंही त्याने लिहिलं आहे. इतकेच नाही तर त्याने याआधी डेट केलेल्या दोन मुलींचा रेफरन्स दिला आहे.
जेम्सने ख्रिस्टी नावाच्या मुलीला हा रिज्युम पाठवला आहे. ख्रिस्टीने हा रिझ्युम तिच्या ट्विटरवर अकाऊंटवर शेअर केलाय. पोस्टमध्ये तिने लिहिले की, 'मी एका मुलाला गमतीने म्हटलं की जर मला डेटला घेऊन जायचं असेल तर एक लेटर पाठव आणि त्यानं खरंच रिझ्युम पाठवला आहे.'