रस्त्यांवर दररोज कुठेना कुठे अपघात होतच असतात. लोक सतर्क राहत नाहीत आणि त्यांचे अपघात होतात. लोक नेहमीच दुसऱ्यांना दोष देतात. पण सध्या रस्त्यावरील एका अशा घटनेचा व्हिडीओ व्हायरल झालाय जो बघून तुम्ही हैराण व्हाल. हा व्हिडीओ पाहून चूक कुणाची होती हे काही कळणार नाही. या व्हिडीओत एक ऑटो रिक्षा रस्त्यावर आपोआप गोल-गोल फिरताना दिसत आहे. त्यात चालक नाहीये.
ट्विटर यूजर सदफ आफरीन या यूजरने हा व्हिडीओ शेअर केला आहे. हा व्हिडीओ पाहून सगळेच हैराण आहेत आणि हसतही आहेत. तुम्ही सिनेमात रिमोटने चालणारी गाडी पाहिली असेल किंवा काही सीन्समध्ये भूतांकडून गाडी चालवली जाते. असाच नजारा प्रत्यक्षात दिसला तर नक्कीच अवाक् होतील.
व्हिडीओ शेअर करत तरूणीने लिहिलं की, 'एक ऑटो रिक्षा आउट ऑफ कंट्रोल झाला. ड्रायव्हरशिवाय तो रस्त्यावर फिरत होता. लोकांनी या रिक्षाला कंट्रोल. सुदैवाने कोणतीही दुर्घटना झाली नाही'.
तुम्ही बघू शकता की, रस्त्याच्या मधोमध हा रिक्षा ड्रायव्हरशिवाय गोल-गोल गिरक्या घेत आहे. आजूबाजूने रहदारी सुरू आहे. आणि अशात काही लोक रिक्षा थांबवण्यासाठी जमा झाले आहेत. अनेक प्रयत्न करूनही रिक्षा त्यांना थांबवता येत नाही. शेवटी त्यांना यश मिळतं. या व्हिडीओला 86 हजार व्ह्यूज मिळाले आहेत. लोक यावर अनेक मजेदार कमेंट्सही करत आहेत.