इंटरनेटच्या या युगात, कोणतीही गोष्ट व्हायरल व्हायला जास्त वेळ लागत नाही, मग ते काहीतरी गंभीर असो वा मजेदार. असाच एक व्हिडीओ सध्या सोशल मीडियावर जोरदार व्हायरल होत आहे. हा व्हिडीओ तुम्हाला हसायला लावेल आणि विचार करायला लावेल की आजच्या जमान्यात कोणी कोणासाठी थांबत नाही. इंटरनेटवर एका महिलेचा व्हिडीओ मोठ्या प्रमाणात व्हायरल होत आहे, जी लग्नादरम्यान वधू-वरांचा व्हिडीओ बनवत आहे.
व्हिडीओ बनवताना असे काही घडते की तुम्ही तुमच्या हसण्यावर नियंत्रण ठेवू शकणार नाही. इन्स्टाग्रामवर hyderabadi__jaan नावाच्या पेजवर हा व्हिडीओ शेअर करण्यात आला आहे. यामध्ये तुम्हाला दिसेल की एक वधू आणि वर एकमेकांचा हात धरून चालताना दिसत आहेत आणि तिथे उभे असलेले लोक त्यांचा व्हिडीओ बनवत आहेत. याच दरम्यान काळ्या कपड्यात उभी असलेली एक महिला वधू-वराचा व्हिडिओही बनवत आहे.
लग्नाचा व्हिडिओ बनवताना ती मागे आली आणि नाल्यात पडली. त्यानंतर तिथे उभ्या असलेल्या लोकांनी तिला हात देऊन वर काढलं, पण वधू-वरांनी काही म्हटलं नाही. हा व्हिडीओ सोशल मीडियावर मोठ्या प्रमाणात व्हायरल होत असून 2 लाख 80 हजारांहून अधिक लोकांनी या व्हिडिओला लाईक केले आहे. त्याचवेळी, नेटिझन्स यावर भरपूर कमेंट करत आहेत.
एका युजरने लिहिलं की, 'काहीही झालं तरी वधू-वरांनी हलू नये'. त्याचवेळी काही लोकांनी त्यावर हसणारे इमोजी पाठवले आहेत, तर अनेकांनी कोणी पडलं तरी त्याची खिल्ली उडवू नये, अशी कमेंट केली. काहींनी बेगानी शादी में अब्दुल्ला दीवाना असं म्हटलं आहे. यासोबतच महिलेने तिचा फोन आणि पर्सही नाल्यात पडल्याचं पाहायला मिळत आहे. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"