Social Viral :सोशल मीडियावर एका घराचा व्हिडिओ प्रचंड व्हायरल होत आहे. या व्हायरल व्हिडिओमधील घर दिसायला अगदी छान वाटतंय. पण, या घराचा कोपरा पाहिल्यावर खरं प्रकरण काय ते तुम्हालाही समजेल. हे अनोख्या पद्धतीचं घर पाहून काहींनी तर डोक्यालाच हात लावला आहे.
सोशल मीडियावर आपण असे काही व्हिडिओ पाहतो, ज्यावर विश्वास ठेवणं फारचं अवघड असतं. अलिकडेच इंटरनेटवर व्हायरल होणारा एक व्हिडिओ चर्चेचा मुद्दा बनलाय. हा व्हिडिओ पाहून काही जण हैराण झाले आहेत. याउलट नेटकरी लोटपोट हसत आहेत.
व्हायरल व्हिडिओमध्ये एक सुंदर असं घर आपल्याला पाहायला मिळतंय. या घराच्या समोरील बाजुने जर तुम्ही त्याकडे पाहिलं तर तुम्ही या घराच्या रचनेचं कौतुक कराल. पण, व्हिडिओमध्ये दिसणाऱ्या घराचा कोपरा पाहिलात तर तुम्हाला सत्यस्थिती समजेल. एखाद्या भिंतीप्रमाणे या घराची रचना करण्यात आली आहे. असं सुद्धा घर असतं का? असा प्रश्न हा व्हिडिओ पाहून नेटकऱ्यांना पडलाय.
एक्सवर शेअर करण्यात आलेल्या या व्हिडिओवर नेटकऱ्यांनी तुफान लाईक्स आणि कमेंट्स केल्या आहेत. या घरामध्ये जायचा रस्ता कुठेय? अशी कमेंट एका यूजरने केली आहे. ''हा व्हिडिओ पाहून मला तर चक्कर येतेय'' असं दुसरा नेटकरी म्हणतोय.