सोशल मीडियावर अनेक मजेशीर व्हिडिओ व्हायरल होत असतात. दोन दिवसांपूर्वीच इंटरनेटवर नवरा-नवरीचा एक व्हिडिओ चांगलाच व्हायरल झाला होता. त्यामध्ये, ऐन लग्न सोहळा सुरु असतानाच जोडप्याचा प्री वेडींग शूटमधील कीस करतानाचा हा व्हिडिओ व्हायरल झाला होता. आता, एका लग्नसमारंभात चक्क वळू घुसल्याने लग्नातील वऱ्हाडींची चांगलीच धावपळ उडाल्याचा व्हिडिओ व्हायरल झाला आहे. हा व्हिडिओ पाहून तुम्हाला नक्कीच हसू येईल, पण घटना तितकीच गंभीरही आहे.
एका ठिकाणी खुल्या लॉनमध्ये सुरू असलेल्या लग्नसोहळ्यात अचानक गोंधल उडाल्याचे दिसून येते. कारण, लग्नात जेवणाच्या पंगती सुरू असतानाच एक वळू (मोठा बैल) अचानक एंट्री करतो. वळू आल्याचे पाहताच हातातील जेवणाचे ताट घेऊनच अनेकजण धावू-पळू लागतात. हा व्हिडिओ पाहिल्यानंतर तुम्हाला हसू आल्याशिवाय राहणार नाही.
सोशल मीडियावर लग्नसमारंभाचे, डान्सचे आणि इतरही अनेक घटनांचे व्हिडिओ व्हायरल झाल्याचं आपण पाहतो. मात्र, यापूर्वी आपण निश्चित असा व्हिडिओ पाहिला नसेल. @wedus.in या इंस्टाग्राम अकाऊंटवरुन हा व्हिडिओ व्हायरल करण्यात आला आहे. त्यामध्ये, भल्यामोठ्या सांडला पाहून अनेक्जण घाबरत पळत सुटल्याचे दिसून येते. हा व्हिडिओ व्हायरल झाल्यानंतर सोशल मीडियावर मजेदार कमेंटही करण्यात येत आहेत. वळूलाही जेवणाचे निमंत्रण देण्यात आले होते, असे म्हणत अनेकांनी मजा घेतलीय.