Pakistan news: पाकिस्तानी आंतरराष्ट्रीय एअरलाईन्सचं विमान पेशावरहून दुबईसाठी हवेत झेपावलं अन् नंतर विचित्रच गोंधळ पाहायला मिळाला. विमान आकाशात असताना पाकिस्तानातील एका माथेफिरू प्रवाशाने अंगावरील शर्ट काढून धिंगाणा घालण्यास सुरुवात केली. तो अचानक त्याच्या जागेवरून उभा राहिला, सिट्सना बुक्का मारू लागला, पायाने विमानाची काच तोडण्याचा प्रयत्न करताना दिसला. त्यानंतर त्याने विमानातील कर्मचाऱ्यांसोबतही हुज्जत घातली. सोशल मीडियावर हा व्हिडीओ सध्या तुफान व्हायरल झाला आहे. एअरलाईन्सने प्रवाशाला ब्लॅकलिस्ट केले आहे.
Geo News चे पत्रकार तन्वीर खटाना यांनी हा व्हिडीओ पोस्ट केल्यानंतर तो वाऱ्यासारखा व्हायरल झाला.