Girlfriend Boyfriend Viral Video : सोशल मीडियाच्या या जगात कोणती गोष्ट कधी व्हायरल होईल याचा काय निभाव नाही. आताच्या घडीला प्रत्येकाच्या हातात मोबाईल असल्याने एखादी घटना अथवा व्हिडीओ लगेच सर्वत्र पसरतात. मोबाईलच्या दुनियेमुळे प्रेमीयुगुलांना थोडीफार मदत झाली असली तरी यामुळे अनेकदा त्यांच्या अडचणीदेखील वाढल्या आहेत. एखाद्या चित्रपटातील सीनसारखे प्रकार सातत्याने घडत आहेत. याचाच प्रत्यय देणारी एक घटना ओडिशातून समोर आली आहे. प्रेयसी आणि प्रियकर यांची भेट सामान्य असली तरी संबंधित तरुणीने घरच्यांना फसवून प्रियकराला आपल्या घरी बोलावले असता त्यांची चांगलीच फजिती झाली.
या घटनेचा व्हिडीओ सोशल मीडियावर चांगलाच व्हायरल होत आहे. खरे तर झाले असे की, प्रेयसीने प्रियकराला भेटीसाठी घरी बोलावले असता अचानक तिच्या घरच्यांनी तिथे उपस्थिती दर्शवली. मग घाबरलेल्या तरुणीने तिच्या प्रियकराला चक्क एका पेटीत लपवले. मात्र, तिच्या घरच्यांना संशय आल्याने खूप वेळ वादावादी झाल्यानंतर अखेर पेटी उघडायला लावली. सुरुवातीला बराच वेळ तरुणीने पेटी उघडण्यास नकार दिला. पण, नंतर घरच्यांनी खूप दबाव टाकल्यानंतर तिला शरणागती पत्करावी लागली. पेटी उघडताच संबंधित तरुण बाहेर आला मग तरुणी त्याला वाचवताना दिसते.
दरम्यान, प्रेयसी आणि प्रियकर एका खोलीत भेटीसाठी एकत्र आले होते. तिथे अचानक मुलीच्या घरचे पोहोचले. मग त्यांची तारांबळ उडाली आणि भीतीपोटी प्रियकराला पेटीत लपवण्याची वेळ प्रेयसीवर आली. पण, रंगेहाथ सापडल्याने मुलीचीदेखील बोलती बंद झाली. या घटनेचा व्हिडीओ व्हायरल होत आहे, ज्यामध्ये ओडिया भाषेतील संवाद ऐकायला मिळतो. ही घटना नेमकी कुठे घडली हे अद्याप स्पष्ट नसले तरी ओडिशातील हे प्रकरण असल्याचे समजते.