बांदा : वाफोली धरणानजीक बांदा-दाणोली रस्त्यावर एका वळणावर कार सुमारे आठ फूट खोल दरीत कोसळून अपघात झाला. छत्तीसगड राज्यातील पर्यटक गोव्यात जात असताना चालकाचे कारवरील नियंत्रण सुटले व कार दरीत कोसळली.मात्र, कारमधील एअरबॅग्ज ऐनवेळी उघडल्याने कोणालाही गंभीर इजा झाली नाही. कारमधील पाचही प्रवासी सुखरुप आहेत. कारचे दर्शनी भागाचे मोठ्या प्रमाणात नुकसान झाले. वाफोलीचे सामाजिक कार्यकर्ते विनेश गवस व मित्रमंडळाने पर्यटकांना सहकार्य केले. हा अपघात मंगळवारी सायंकाळी पावणेपाच वाजण्याच्या सुमारास झाला.
या मार्गातून रहदारीही मोठ्या प्रमाणात असल्याने लहान-मोठ्या अपघातांची मालिकाच सुरू आहे. यापूर्वी रात्रीच्या सुमारात दहाच्यावर अपघात झाले आहेत. एक महिन्यापूर्वी याच वळणावर जेसीबी दुसऱ्या वाहनाला बाजू देत असताना उलटून अपघातग्रस्त झाला होता. ंयामध्ये काही प्रवासी जखमी झाले होत.
दिवस-रात्र पर्यटक याच मार्गावरून आंबोली, गोव्यात जात-येत असतात. या मार्गावरून मोठ्या प्रमाणात रहदारी सुरू असते. तसेच एसटी आणि अवजड वाहनांची वाहतूकही या मार्गावरून होत असते. याबाबत संबंधित विभागाने या वळणावर लवकरात लवकर उपाययोजना करणे आवश्यक आहे.
तसेच या वळणावर सुरक्षिततेचे उपाय म्हणून रस्त्यावरून वाहनांना सतर्कतेसाठी बाजूला फलक लावणे गरजेचे आहे. दोन्ही बाजूंनी झुडपे वाढली आहेत. त्यामुळे दोन्ही बाजूंनी येणाºया वाहनचालकांना समोरून येणारी वाहने दृष्टीस पडत नाहीत. त्यामुळे या वळणावर सातत्याने अपघात होत असतात.
सार्वजनिक बांधकाम विभागाला वारंवार कळवूनही झुडपे तोडण्याची कार्यवाही केलेली नाही. यासाठी लवकरच लाक्षणिक उपोषण छेडण्याचा इशारा विनेश गवस यांनी दिला आहे.