कणकवली : तायक्वांदो असोसिएशन ऑफ सिंधुदुर्गच्या मान्यतेने कणकवली तालुका अमॅच्युर तायक्वादो असोसिएशन व अतुल रावराणे भैरी भवानी प्रतिष्ठान वैभववाडी यांच्या सहकार्याने येथील नगरपंचायत सभागृहात जिल्हास्तरीय सब जुनियर कॅडेट व जुनियर तायक्वांदो स्पर्धा आयोजित करण्यात आली होती. कणकवली तालुक्याने 48 सुवर्ण पदक ,33 रौप्यपदक व 25 कांस्य पदकाची कमाई करून या स्पर्धेवर निर्विवाद वर्चस्व राखत जनरल चॅम्पियनशिप मिळविली .या स्पर्धेत जिल्हयातील 200 खेळाडू सहभागी झाले होते .यात कुडाळ तालुक्याने 5 सुवर्ण पदक , 5 रौप्यपदक व 7 कांस्य पदक मिळवत द्वितीय क्रमांक पटकावला तर सावंतवाडी तालुक्याने 3 सुवर्ण पदक 5 रौप्यपदक व 5 कांस्य पदकांची कमाई करून तिसरे स्थान मिळविले . या स्पर्धेत बेस्ट फायटर म्हणून मुलांमध्ये साईराज सावंत तर मुलींमध्ये सेजल पाटील यांना गौरवण्यात आले . स्पर्धेचे उद्घाटन तायक्वांदो असोसिएशन ऑफ सिंधुदुर्गच्या उपाध्यक्षा राजश्री धुमाळे यांच्या हस्ते करण्यात आले.
यावेळी कणकवली तालुका अमॅच्युर तायक्वादो असोसिएशनचे उपाध्यक्ष दीपक बेलवलकर , तायक्वांदो असोसिएशन ऑफ सिंधुदुर्गचे सचिव भालचंद्र कुलकर्णी , विनायक सापळे , अमित जोशी , अच्युत वनवे , कणकवली तालुका तायक्वादो असोसिएशनचे सचिव एकनाथ धनवटे , कोषाध्यक्ष अड. संदिप राणे , जयश्री कसलकर , नितीन तावडे , संदिप सावंत , सावंतवाडी तालुका सचिव अभिजीत राऊळ , कुडाळ तालुका सचिव ओमकार सावंत , राष्ट्रीय पंच मंदार परब , अक्षय कुलकर्णी , अनुप मोडक , जीविता जाधव , संतोष पवार , अवीराज खांडेकर तसेच प्रशिक्षक संदिप मोडक , साई दळवी , सौरभ आचरेकर आदी मान्यवर उपस्थित होते. सूत्रसंचालन अच्युत वनवे यांनी केले. तर आभार एकनाथ धनवटे यांनी मानले.