शहरं
Join us  
Trending Stories
1
भाजप-संघातील घटक नाराज; म्हणे, ‘ऑपरेशन सिंदूर’नंतरचा युद्धविराम ही तर चूक, शत्रुत्व थांबले
2
आजचे राशीभविष्य १५ मे २०२५: आर्थिक लाभ संभवतात, दुपारनंंतर मात्र अनेकांचे नशीब बदलेल...
3
शूरवीरांचा देश आहे, असा संदेश पाकला देणे आवश्यक होते; RSSचे सुनील अंबेकर यांचे प्रतिपादन
4
कर्नल सोफियांवर टीका भोवली, मंत्री विजय शाहवर FIR; हायकोर्टाने फटकारले, रात्री गुन्हा दाखल
5
न्या. भूषण गवई देशाचे ५२वे सरन्यायाधीश; अनेक महत्त्वपूर्ण निर्णय देणाऱ्या पीठांमध्ये सहभाग
6
अनामिक भीती वाटते, अस्थिर मन शांत होत नाही? कळकळीने स्वामींना हाक मारा, ‘ही’ प्रार्थना कराच
7
ब्रह्मोस अण्वस्त्रांच्या डेपोवर आदळले असते तर काय झाले असते? किती मोठा स्फोट झाला असता?
8
महिला राफेल उडवू शकतात, तर लष्करात त्यांची संख्या मर्यादित का? सुप्रीम कोर्टाचा सरकारला सवाल
9
गरिबांच्या सेवेमुळे माझ्या मुलाला हे पद मिळाले; सरन्यायाधीश गवई यांच्या मातोश्री भावुक
10
२१ दिवसांत ३१ माओवादी यमसदनी; छत्तीसगड-तेलंगणा सीमेवर कारवाईला मोठे यश
11
पाकने २१ दिवसांनी BSF जवानाला भारताच्या ताब्यात दिले; वडील म्हणाले, मुलाची गळाभेट घ्यायची आहे
12
डोनाल्ड ट्रम्प यांचा पाचव्यांदा दावा; म्हणाले, “होय, भारत-पाकमधील युद्ध अमेरिकेनेच संपविले”
13
२०२७ पासून मेट्रोचा मार्ग वेगाने विस्तारेल: मुख्यमंत्री; काशीगाव-दहिसरदरम्यान तांत्रिक चाचणी
14
शरद पवार गटाच्या बैठकीत स्थानिक निवडणुकांवर चर्चा; नेमके काय घडले, कोणता निर्णय झाला?
15
‘लाडक्या बहिणी’च्या नावे खाती उघडून सायबर भामट्यांना ३० हजारांत विक्री; तिघे अटकेत
16
पावसाळी शेडसाठी जैन मंदिर हायकोर्टात; ट्रस्टला महापालिकेकडे निवेदन देण्याचे निर्देश
17
‘सोडूनी सारी लाज, क्यूआर कोडने घेतली लाच’; दोन पोलिस अन् एका खबऱ्याला अटक, नेमके प्रकरण काय?
18
नागरी संरक्षण दलाच्या मानधन प्रस्तावास वित्त विभागाचा अडसर; काही त्रुटी काढून घातला खोडा
19
जम्मू काश्मीरमध्ये सैन्याच्या गणवेशात दिसले काही संशयित; महिलेची पोलिसांत धाव, शोधमोहीम सुरू
20
भारत लष्करी-राजनैतिक दोन्ही पातळीवर जिंकला; अमेरिकेच्या माजी अधिकाऱ्यांनी पाकला जागा दाखवली

शिरगाव दशक्रोशीतील ग्रामस्थ आक्रमक

By admin | Updated: July 19, 2016 00:23 IST

शिक्षकाने विद्यार्थिनीला केला अश्लिल एसएमएस : गुन्हा दाखल होऊनही कारवाई नाही

शिरगांव : देवगड तालुक्यातील शिरगांव हायस्कूल व कनिष्ठ महाविद्यालयाचे सहाय्यक शिक्षक विनोद शिवाजी चौगुले (वय ३२) याने प्रशालेत शिकत असलेल्या विद्यार्थिनीस मोबाईलवरून अश्लिल एसएमएस (संदेश) पाठविल्याप्रकरणी पालकांनी पोलिसात केलेल्या तक्रारीअंती अटक होऊन होऊनही प्रशालेच्या संस्थेने त्याच्यावर निलंबनाची कारवाई केली नाही म्हणून शिरगांव दशक्रोशीतील पालक व ग्रामस्थांनी सोमवारी सकाळी ९ वाजता प्रशालेच्या प्रवेशद्वारासमोर निदर्शने व धरणे आंदोलन करीत संबंधित शिक्षकाच्या निलंबनाची मागणी केली.विनोद चौगुले याने प्रशालेत शिकत असलेल्या विद्यार्थिनीस २३ एप्रिल ते १० मे या कालावधीत रात्री अपरात्री मोबाईलवरून अश्लिल संदेश पाठविले. याबाबत त्या विद्यार्थिनीने आपल्या वडीलांना कल्पना दिली. त्यानुसार वडिलांनी देवगड पोलिस स्थानकात चौगुले विरोधात तक्रार दाखल केली होती. या प्रकरणी पोलिसांनी चौगुले यांच्यावर गुन्हा दाखल करत अटक केली होती. या शिक्षकावर यापूर्वीही विद्यार्थिनीशी गंभीर स्वरूपाचे गैरवर्तन केल्याप्रकरणी गुन्हा दाखल झाला होता. त्यावेळी शिक्षण संस्थेने समाधानकारक कारवाई केली नाही व कायद्याच्या पळवाटांचा आधार घेत चौगुले यांची यातून सुटका झाली. एकाच शिक्षकांकडून वारंवार घडणाऱ्या गुरु-शिष्य परंपरेला काळीमा फासणाऱ्या या प्रकरणामुळे शिक्षण संस्थेची, शाळेची व परिणामी गावांची नाहक बदनामी होत आहे. येथे शिक्षण घेत असलेल्या विद्यार्थिनी असुरक्षित आहेत. अन्याय झालेल्या विद्यार्थिनीच्या आईचे वर्षभरापूर्वी निधन झाले. वडील अपंग आहेत. त्यामुळे विद्यार्थिनीच्या कुटुंबाला मानसिक त्रास सहन करावा लागत आहे. संबंधित शिक्षकावर पहिल्याच प्रकरणात शिक्षण संस्थेने योग्य त्या कारवाईचा बडगा उगारून निलंबित केले असते तर आजची आंदोलनाचा प्रसंग घडलाच नसता. पालकांच्या या शिक्षकाच्या घृणास्पद गैरवर्तनाबाबत तीव्र भावना आहेत. वादग्रस्त सहाय्यक शिक्षक चौगुले यास संस्थेने तत्काळ निलंबित करून चौकशी करावी. अन्यथा आंदोलन अधिक तीव्र करण्यात येईल असा आंदोलनकर्त्यांनी यावेळी इशारा दिला व संस्था या शिक्षकाबाबत काय निर्णय घेणार ते लेखी द्यावे असे सांगितले.दरम्यान, आंदोलनकर्त्यांने सुमारे ५०० स्वाक्षऱ्यांचे निवेदन संस्थाचालकांना दिले. पालकांच्यावतीने माजी सरपंच अमित साटम, राजेंद्र शेट्ये, अंकुश नाईक, मंगेश धोपटे, सर्वोत्तम साटम, संतोष फाटक, सचिन देसाई, भाई आईर, सरपंच उषा चौकेकर, सुनिल तावडे, एकनाथ तावडे यांनी संस्था पदाधिकाऱ्यांशी याप्रकरणी चर्चा केली. निवेदनाच्या प्रती जिल्हाधिकारी, शिक्षणाधिकारी, शिक्षणमंत्री व मुख्यमंत्री यांना सादर करणार असल्याचे यावेळी सांगितले. यावेळी आंदोलनकर्त्यांच्या रोषाला सामोरे जाताना संस्थेचे उपाध्यक्ष संभाजी साटम यांनी संस्थेची भूमिका स्पष्ट केली. झालेला प्रकार हा निंदनीय असून याप्रकरणी संस्थेने एक सदस्यीय समिती नेमून चौकशी सुरु केली आहे. पालक, ग्रामस्थांच्या भावनांचा संस्था आदर राखेल. संस्था कोणासही पाठीशी घालणार नाही. चौगुले यांच्या निलंबनासाठी शिक्षणाधिकारी (माध्यमिक) यांच्याकडे आजच्या आज प्रस्ताव सादर करणार आहे. शिक्षणाधिकाऱ्यांच्या परवानगीनंतर त्याच्यावर तत्काळ निलंबनाची कारवाई संस्था करेल तोपर्यंत त्याला शाळेत हजर करून घेतले जाणार नाही असे संस्थेच्यावतीने आश्वासन दिले. यावेळी संस्थेच्या स्थानिक समितीचे अध्यक्ष विठ्ठल सावंत, संस्था समन्वयक विजयकुमार कदम, मानद अधीक्षक रविंद्र जोगल, स्थानिक समिती सदस्य सुधीर साटम, संदीप साटम, अ‍ॅड. प्रकाश जाधव, वसंत नाईक, जिल्हा परिषद सदस्य सुभाष नार्वेकर आदी उपस्थित होते. आंदोलनकर्त्यांना संस्थेच्यावतीने लेखी आश्वासनानंतर आंदोलन तात्पुरते मागे घेतले.(प्रतिनिधी)क्षणचित्रे ...शिरगांव बाजारपेठ ते प्रशालेच्या प्रवेशद्वारापर्यंत घोषणा देत आंदोलनकर्त्यांनी त्या प्रकाराचा निषेध नोंदविला.प्रवेशद्वारावर धरणे व घोषणाबाजीविनोद चौगुलेच्या प्रतिकात्मक पुतळ्याचे दहनसंस्था चालकांना पालक व ग्रामस्थांनी निवेदन सादर करत संस्था चालकांशी चर्चा केली.संस्थेच्यावतीने उपाध्यक्ष संभाजी साटम, रवींद्र जोगल, विठ्ठल सावंत, संदीप साटम आंदोलनकर्त्यांच्या सामोरे जात त्यांच्या प्रश्नांची उत्तरे दिली.संस्थेचे पालकांना कारवाईचे लेखी आश्वासनसंस्थाचालक शिक्षणाधिकाऱ्यांकडे निलंबनाचा प्रस्ताव सादर करण्यासाठी ओरोस येथे रवाना