कणकवली : कोकण रेल्वे मार्गावर २७ डिसेंबर ते ३१ जानेवारी या कालावधीत पुणे-एर्नाकुलम आणि एर्नाकुलम-पुणे अशी विशेष गाडी धावणार आहे .पुणे - एर्नाकुलम ही गाडी प्रत्येक बुधवार आणि रविवारी तर एर्नाकुलम-पुणे ही गाडी प्रत्येक शुक्रवार आणि मंगळवारी धावणार आहे. या गाडीला कणकवली आणि सावंतवाडी स्थानकात थांबा देण्यात आला आहे.
पुणे येथून सायंकाळी ६.४५ वाजता निघालेली पुणे - एर्नाकुलम (गाडी क्रमांक ०२०५१ ) एर्नाकुलम येथे दुसऱ्या दिवशी सायंकाळी ६.५० वाजता पोहोचणार आहे. तर एर्नाकुलम येथून पहाटे ५.१५ वाजता निघालेली एर्नाकुलम - पुणे (गाडी क्र मांक ०२०५२) ही गाडी दुसऱ्या दिवशी पुणे येथे पहाटे ५.५० वाजता पोहोचणार आहे.
या गाडीला पनवेल, चिपळूण , रत्नागिरी, कणकवली, सावंतवाडी, मडगाव, कारवार, कुंदापुरा, उडपी, मंगलुरू आदी थांबे आहेत.या गाडीचा फायदा कोकणातील विशेष करून रत्नागिरी आणि सिंधुदुर्ग जिल्ह्यातील प्रवाशांना होणार आहे.