शंभूराज देसार्इंनी बरोबर नेम साधला

सरकारी मोहोर : लोकनेत्यांच्या पुण्यतिथीनिमित्त दरवर्षी कृषी प्रदर्शन

पाटण : महाराष्ट्राचे गृहमंत्री, विधानसभेचे अध्यक्ष, शिक्षणमंत्री, बांधकाम मंत्री, महसूल मंत्री, अशी मंत्रिपदे भूषवून एकेकाळी महाराष्ट्रातील जनतेच्या मनावर राज्य करणाऱ्या लोकनेते बाळासाहेब देसाई यांची जयंती राज्य शासनाने साजरी करावी म्हणून अनेक वर्षे धडपडणाऱ्या नातवाला अखेर यश आले. आणि लोकनेत्यांच्या पुण्यतिथीनिमित्त राज्य शासनाने कृषी प्रदर्शन भरविण्याचा निर्णय जाहीर केला. आणि कृषी प्रदर्शन भरविले.मरळीच्या माळावर भरलेल्या या राज्यस्तरीय कृषी प्रदर्शनातील एका गन स्टॉलवर पाहणी करताना आमदार शंभूराज देसार्इंनी छरे उडविणाऱ्या बंदुका व पिस्तुलांची हाताळणी केली. हवेत बार काढले. यावेळी उपस्थितांचे चांगलेच लक्ष वेधले होते. मात्र, या नेम साधण्यामागे आमदार देसार्इंचा विजय झाला होता. कारण आता यापुढे लोकनेते बाळासाहेब देसार्इंच्या जयंती अथवा पुण्यतिथीनिमित्त राज्य शासन कृषी प्रदर्शन भरविणार आहे. कऱ्हाडला यशवंतराव चव्हाण यांच्या पुण्यतिथीनिमित्त कृषी प्रदर्शन भरविले जाते. (प्रतिनिधी)वक्तव्यातील ‘शार्प शूटर’ - शिवतारेपालकमंत्री विजय शिवतारे यांनी पहिल्याच कृषी प्रदर्शनाचे उद्घाटन करून लोकनेत्यांच्या मंत्रिपद मंडळातील आठवणी सांगितल्या; मात्र नातू आमदार शभूंराज देसार्इंकडे चांगले ‘शार्प शूटर’ आहेत. लोकांच्या प्रश्नांसाठी ते कुणावरही शूट करण्यात मागे-पुढे पाहत नाहीत, असाच सूर पालकमंत्र्यांनी पाटणच्या सभेत काढला होता.