सातारा : ज्येष्ठ कर सल्लागार, साहित्यिक, चित्रपट निर्माते आणि सातारा शहरातील ज्येष्ठ सामाजिक नेते अरुण रामकृष्ण गोडबोले (वय ८२) यांचे मंगळवारी (दि. १४) दुपारी सातारा येथील रुग्णालयात निधन झाले.येथील दी युनायटेड वेस्टर्न बँक, आयुर्वेदिय अर्कशाळा, सज्जनगडचे समर्थ सेवा मंडळ, अंत्यसंस्कार सहायक मंडळ अशा अनेक संस्थांमधून त्यांनी विविध पदांची जबाबदारी पेलली. चित्रपट निर्माते म्हणूनही त्यांनी वेगळा ठसा उमटविला. कविता, प्रवास वर्णन, ललित, संत साहित्य अशा विविध प्रकारचे साहित्य त्यांनी लिहिले.कौशिक प्रकाशन या संस्थेमार्फत त्यांनी अनेक पुस्तके प्रकाशित केली. याशिवाय, रा. ना. गोडबोले ट्रस्टच्या माध्यमातून ‘सातारा भूषण’ पुरस्कार देऊन अनेक मान्यवरांचा यथोचित सन्मान केला. राजकीय, सामाजिक व सांस्कृतिक क्षेत्रातही त्यांचे योगदान अमूल्य होते.त्यांच्या पश्चात बंधू अशोक व डॉ. अच्युत गोडबोले, पत्नी अनुपमा, मुलगा उदयन, सून संजीवनी, मुलगी डॉ. गौरी ताम्हणकर, जावई डॉ. हेमंत ताम्हणकर, पुतणे प्रद्युम्न व डॉ. चैतन्य, नातवंडे, असा परिवार आहे.
Web Summary : Arun Godbole, a Satara-based senior litterateur, tax consultant, and filmmaker, passed away at 82. He contributed significantly to social, cultural, and literary fields, holding positions in various organizations and publishing numerous books. He is survived by his family.
Web Summary : सतारा के वरिष्ठ साहित्यकार, कर सलाहकार और फिल्म निर्माता अरुण गोडबोले का 82 वर्ष की आयु में निधन हो गया। उन्होंने सामाजिक, सांस्कृतिक और साहित्यिक क्षेत्रों में महत्वपूर्ण योगदान दिया, विभिन्न संगठनों में पद संभाले और कई पुस्तकें प्रकाशित कीं। उनके परिवार में पत्नी और बच्चे हैं।