आदर्श शिक्षक पुरस्काराचे वडूजमध्ये आज वितरण

वडूज : खटाव पंचायत समितीच्या शिक्षण विभागाच्यावतीने बुधवारी (दि. १७) दुपारी एक वाजता येथील बचत सभागृहात तालुकास्तरीय आदर्श शिक्षक पुरस्कार वितरण सोहळा होणार असल्याची माहिती गटशिक्षणाधिकारी प्रतिभा भराडे यांनी दिली. यावेळी सभापती जयश्री कदम, उपसभापती हिराचंद पवार, गटविकास अधिकारी रमेश काळे, सहायक गटविकास अधिकारी नरेंद्र मेडेवार उपस्थित होते. पालकमंत्री बाळासाहेब पाटील यांच्या अध्यक्षतेखाली व जिल्हा परिषदेचे अध्यक्ष उदय कबुले यांच्याहस्ते हा कार्यक्रम होणार आहे. यावेळी आमदार शशिकांत शिंदे, आमदार जयकुमार गोरे, आमदार महेश शिंदे, मोहनराव कदम, माजी आमदार प्रभाकर घार्गे, डॉ. दिलीप येळगावकर, जिल्हा परिषदेचे उपाध्यक्ष प्रदीप विधाते, मुख्य कार्यकारी अधिकारी विनय गौडा, समाजकल्याण सभापती कल्पना खाडे, कृषी सभापती मंगेश धुमाळ, शिक्षण सभापती मानसिंगराव जगदाळे, महिला व बालविकास सभापती सोनाली पोळ, जिल्हा परिषदेचे सदस्य सुरेंद्र गुदगे, शिवाजीराव सर्वगोड, सुनीता कचरे, सुनीता कदम, उपमुख्य कार्यकारी अधिकारी मनोज जाधव, अविनाश फडतरे, शिक्षणाधिकारी रवींद्र खंदारे, प्रभावती कोळेकर, धनंजय चोपडे तसेच तालुक्यातील जिल्हा परिषद व पंचायत समितीचे सदस्य आदी उपस्थित राहणार आहेत. (वा.प्र.)