सातारा : जुन्या वादाच्या रागातून पती पत्नीला लाकडी दांडक्याने मारहाण केल्याची घटना सावली (ता. सातारा) येथे घडली. याप्रकरणी अकरा जणांवर सातारा तालुका पोलीस ठाण्यात गुन्हा दाखल झाला आहे.याप्रकरणी सागर शेलाडे, गोविंद जाधव, दिनेश साळुंखे, ओंकार साळुंखे, कमल साळुंखे, अनिकेत साळुंखे, जगन्नाथ साळुंखे, साजन साळुंखे, सुजय शिंदे, अनिल साळुंखे,अनुसया साळुंखे अशी गुन्हा दाखल झालेल्यांची नावे आहेत.याबाबत अधिक माहिती अशी, अनिल भिकू साळुंखे (रा. सावली, ता. सातारा) आणि संशयितांमध्ये जुना वाद आहे. त्यातच मंगळवारी सायंकाळी अनिल साळुंखे हे त्यांच्या दारात बसले असताना ह्यतूला जास्त मस्ती आली आहे, असे म्हणत संशयितांनी लाकडी दांडक्यांनी मारहाण करण्यास सुरूवात केली.
यावेळी त्यांची पत्नी वंदना या भांडणे सोडविण्यासाठी आल्या असता त्यांनाही दांडक्याने मारहाण करण्यात आली. तसेच अनिल साळुंखे यांची आई व भावालाही शिवीगाळ दमदाटी केली. या मारहाणीत अनिल साळुंखे हे गंभीर जखमी झाले आहेत.