लोकमत न्यूज नेटवर्क
पिंपोडे बुद्रुक : कृषी दिनानिमित्त कृषी पदवीधर युवाशक्ती संघटनेच्यावतीने नांदवळ (ता. कोरेगाव) येथे महिलांना फळझाडांच्या रोपांचे वाटप करण्यात आले. यावेळी संघटनेचे संस्थापक अध्यक्ष जयदीप ननावरे उपस्थित होते.
कृषी पदवीधरांचे प्रश्न सोडविण्यात अग्रेसर असलेली महाराष्ट राज्य कृषी पदवीधर युवाशक्ती संघटना शेतकऱ्यांसाठी विविध उपक्रम राबवत आहे. कृषी दिनानिमित्त संघटनेने नांदवळ येथील महिलांना फळरोपांचे वाटप केले. यावेळी उपस्थित महिलांशी संवाद साधत मार्गदर्शन करण्यात आले. यावेळी सातारा जिल्हा विद्यर्थिनी अध्यक्ष ज्ञानेश्वरी जगताप, सातारा तालुका युवती अध्यक्ष जागृती शिंदे, नांदवळ ग्रामपंचायतीच्या सरपंच अरूणा बेस्के, उपसरपंच संगीता भोसले, पोलीस पाटील भाऊसाहेब ठोंबर, ग्रामपंचायत सदस्य, स्वराज्य ग्रुप, नांदवळचे सदस्य उपस्थित होते. कोरेगाव तालुका कार्याध्यक्ष सुमित मांढरे यांनी प्रास्तविक केले तर सातारा तालुका युवती अध्यक्ष जागृती शिंदे यांनी आभार मानले.