वाई : धोम (ता. वाई) ग्रामपंचायतीच्या सरपंचपदी डॉ. अविनाश विठ्ठल नायकवडी यांची तर उपसरपंचपदी शहनाझ हमीद शेख हे विजयी झाले.
खासदार उदयनराजे भोसले यांचे समर्थक व पंचायत समितीचे माजी सभापती विजयसिंह नायकवडी यांच्या नेतृत्वाखालील पॅनेलने धोम ग्रामपंचायतीत बाजी मारली असून, त्यांचे पाच सदस्य निवडून आले आहेत. सरपंचपदासाठी झालेल्या निवडणुकीत डॉ. अविनाश नायकवडी यांना पाच तर सुरेश हगवणे यांना दोन मते पडली. तर उपसरपंचपदासाठी झालेल्या निवडणुकीत शहनाझ शेख यांना पाच तर वनिता पोळ यांना दोन मते मिळाली.
या वेळी नवनिर्वाचित सदस्य सचिन कांबळे, सविता नायकवडी, माधवी पोळ उपस्थित होते. निवडणूक निर्णय अधिकारी म्हणून सर्कल गजानन घाडगे यांनी काम पाहिले. नवनिर्वाचित सरपंच व उपसरपंच यांचे खासदार उदयनराजे भोसले, सुनील काटकर, श्रीरंग गायकवाड आदींसह ग्रामस्थांनी कौतुक केले.