फलटण : फलटण तालुक्यात गुरुवारी ९४ व्यक्तींच्या कोविड चाचण्या पॉझिटिव्ह आल्या असून, यामध्ये शहरातील ४७ व्यक्ती, तर ग्रामीण भागातील ४७ रुग्ण मिळून आले आहेत. सलग दुसऱ्या दिवशी ९४ रुग्ण आढळून आल्याने फलटण तालुक्यात कोरोनाचा धोका वाढला आहे.
फलटण शहरात फलटण ५, शुक्रवार पेठ ३, रविवार पेठ २, लक्ष्मीनगर १०, बुधवार पेठ १, विद्यानगर १, बुरुड गल्ली १, संजीवराजेनगर १, उमाजी नाईक चौक १, खाटीक गल्ली १, भडकमकरनगर १, गोळीबार मैदान १, जिंती रोड १, सगुणामातानगर ६, कसबा पेठ ४, मलटण ४, दत्तनगर १, गिरवी नाका २ व्यक्तींच्या कोविड चाचण्या पॉझिटिव्ह आल्या असून, ग्रामीण भागात शिंदेवाडी २, जाधववाडी १, कोळकी ८, आदर्की १, पिराचीवाडी १, कुरवली २, वाठार निंबाळकर २, धुमाळवाडी १, मुरूम २, साखरवाडी १, खुंटे २, वाखरी १, नवा मळा ठाकुरकी २, मिरेवाडी १, सोनवडी १, विडणी १, गुणवरे १, घाडगेवाडी १, पिंपळवाडी ३, वडले १, फडतरवाडी १, आंदरुड १, गोखळी २, काळज १, चौधरवाडी २, भाडळी खुर्द १, गिरवी २, निरगुडी १, सुरवडी १ व्यक्तींच्या कोविड चाचण्या पॉझिटिव्ह आल्या असल्याची माहिती जिल्हा शल्यचिकित्सक डॉ. सुभाष चव्हाण यांनी दिली आहे. तालुक्यात दिवसेंदिवस कोरोना रुग्णांची संख्या वाढत चालल्याने चिंता व्यक्त होत आहे.
(चौकट)
१५ हजारांची दंडात्मक कारवाई
फलटण शहर पोलीस ठाणे हद्दीत प्रमुख चौकातून तसेच बाजारपेठेत मास्क न घालता फिरत असलेल्या ५२ नागरिकांवर पोलिसांकडून दंडात्मक कारवाई करण्यात आली आहे. त्यांच्याकडून १० हजार ४०० रुपये दंड व सोशल डिस्टन्सिंगचा वापर न करणाऱ्या पाच जणांवर कारवाई करून ५ हजार रुपये दंड वसूल करण्यात आला. मास्क न वापरणाऱ्या व सोशल डिस्टन्सिंगचा वापर न करणाऱ्यांवर एकूण १५ हजार ४०० रुपयांची दंडात्मक कारवाई करण्यात आली आहे.