Tasgaon Nagar Parishad Election Result 2025: राज्यातील २४६ नगरपरिषदा व ४२ नगरपंचायतींच्या एकूण २८८ सदस्यपदासाठी आणि थेट अध्यक्षपदाच्या सार्वत्रिक निवडणुकांकरिता मतदान झाले. या सगळ्याचे निकाल हाती येत आहेत. काही ठिकाणी प्रस्थापितांना धक्का बसत आहे, तर काही ठिकाणी गड राखण्यात यश येत आहे. तासगाव नगर परिषदेत माजी गृहमंत्री दिवंगत आर. आर. पाटील यांचा मुलगा रोहित पाटील यांना पराभवाचा धक्का बसला आहे. दोन निवडणुकीत पराभव झाल्यानंतर अखेर संजयकाका पाटील यांनी मैदान मारले.
लोकसभा आणि विधानसभा निवडणुकीत संजयकाका पाटील यांना पराभवाचा सामना करावा लागला होता. अखेर तासगाव नगर परिषदेच्या निवडणुकीत संजयकाका पाटील यांनी बाजी मारली. तासगाव नगर परिषद निवडणुकीत विजय मिळवल्यानंतर संजयकाका पाटील यांनी जनतेचे आभार मानले आहेत.
पोस्टर बॉईजचा पंचनामा सुरू करणार
संजय काका पाटील यांच्या स्वाभिमानी विकास आघाडी तासगाव नगर परिषदेवर सत्ता मिळवली आहे. विजयानंतर संजय काकांनी विरोधी गट असलेल्या आमदार रोहित पाटील गटावर टीका केली. तासगावातील पोस्टर बॉईजचा पंचनामा सुरू करणार, असा इशारा संजय काका पाटील यांनी दिला. तासगावातील विजय रॅलीत आमदार रोहित पाटील यांचे नाव न घेता हल्लाबोल केला. काकांना संपवण्याचा काहींचा प्रयत्न होता. मात्र, जनतेने हे काय होऊ दिले नाही, असेही संजयकाका पाटील यांनी म्हटले आहे.
दरम्यान, स्वाभिमानी विकास आघाडीच्या नगराध्यक्षपदाच्या निवडणुकीत विजया बाबासाहेब पाटील यांचा विजय झाला. एकूण २४ जागांपैकी १३ जागांवर संजयकाका पाटील यांच्या स्वाभिमानी विकास आघाडीला विजय मिळाला, तर ११ जागांवर शरद पवारांच्या राष्ट्रवादी काँग्रेसचे उमेदवार विजयी झाले.
Web Summary : Sanjaykaka Patil's alliance won the Tasgaon Nagar Parishad election, defeating R.R. Patil's son, Rohit Patil. Patil secured 13 of 24 seats, while NCP won 11. Patil criticized rivals, vowing accountability.
Web Summary : संजयकाका पाटिल गठबंधन ने तासगांव नगर परिषद चुनाव जीता, जिसमें आर.आर. पाटिल के बेटे रोहित पाटिल हार गए। पाटिल ने 24 में से 13 सीटें जीतीं, जबकि राकांपा ने 11 सीटें जीतीं। पाटिल ने विरोधियों की आलोचना की और जवाबदेही का वादा किया।