कडेगाव : काँग्रेसचे ज्येष्ठ नेते दिवंगत आमदार डॉ. पतंगराव कदम यांना शुक्रवारी माजी मंत्री व लोकमतचे एडिटर इन चीफ राजेंद्र दर्डा यांच्यासह विविध क्षेत्रातील मान्यवरांनी आदराजंली वाहिली. दर्डा यांनी सोनसळ (ता. कडेगाव, जि. सांगली) येथे कदम कुटूंबियांची भेट घेऊन सात्वंन केले.
पतंगराव कदम यांच्या निधनाबद्दल दु:ख व्यक्त करीत १९९९ ते २०१४ या पंधरा वर्षांच्या काळात आमदार आणि मंत्री म्हणून कदम यांच्यासोबत काम करतानाच्या अनेक आठवणींना दर्डा यांनी उजाळा दिला.
त्यांच्या जाण्यामुळे महाराष्ट्राने एक दिलदार नेता गमावला आहे, अशी भावना त्यांनी व्यक्त केली .यावेळी लोकमतचे संपादक वसंत भोसले व वरिष्ठ सरव्यवस्थापक मकरंद देशमुख उपस्थित होते .