२)०७आटपाडी१
आटपाडी : पंचायत समितीच्या सभापतिपदी भाजपच्या पुष्पा जयवंत सरगर यांची बिनविरोध निवड करण्यात आली. त्या आमदार गोपीचंद पडळकर गटाच्या समर्थक आहेत. या निवडीने पडळकर गटाला प्रथमच सभापतीपद मिळाले आहे.
सभापतिपदी पुष्पा सरगर यांचा एकमेव अर्ज दाखल झाला. त्यामुळे निवडणूक निर्णय अधिकारी तथा तहसीलदार सचिन मुळीक यांनी सरगर यांची निवड झाल्याचे जाहीर केले.
माजी सभापती भूमिका बेरगळ यांनी राजीनामा दिल्याने पद रिक्त झाले होते. आटपाडी पंचायत समितीवर भाजपची सत्ता आहे. माजी आमदार राजेंद्रअण्णा देशमुख आणि आमदार गोपीचंद पडळकर यांच्या नेतृत्वाखाली सर्व सदस्यांना काम करण्याची संधी देण्यात आली.
निवडीनंतर आमदार गोपीचंद पडळकर यांच्याहस्ते माजी सभापती हर्षवर्धन देशमुख, जिल्हा परिषद सदस्य अरुण बालटे, जयवंत सरगर, विष्णुपंत अर्जुन यांच्या उपस्थितीत सभापती पुष्पा सरगर यांचा सत्कार करण्यात आला.