इस्लामपूर येथे शहर राष्ट्रवादी काँग्रेसने आयोजित घरगुती गौरी-गणपती सजावट स्पर्धेतील प्रथम विजेत्या भाग्यश्री खट्टे यांना प्रतीक पाटील यांच्याहस्ते बक्षीस देण्यात आले. यावेळी रोझा किणीकर, रूपाली जाधव, सुनीता सपकाळ, सुस्मिता जाधव, सुनीता देशमाने, प्रियांका साळुंखे, उषा पंडित-मोरे, डॉ. दीपा देशपांडे, पुष्पलता खरात उपस्थित होत्या.
लोकमत न्यूज नेटवर्क
इस्लामपूर : समाजात निम्मी संख्या असलेल्या महिला भगिनींच्या सुप्त कलागुणांना वाव देण्यासाठी गौरी-गणपती, गृह सजावटसारख्या विविध स्पर्धा व उपक्रम सातत्याने राबविण्याचा प्रयत्न आहे, असे प्रतिपादन युवा नेते प्रतीक पाटील यांनी केले.
शहर राष्ट्रवादी काँग्रेसच्या ज्येष्ठ, महिला, युवक व युवतींच्यावतीने आयोजित घरगुती गौरी-गणपती सजावट स्पर्धेतील विजेत्या महिला भगिनींना पाटील यांच्याहस्ते बक्षीस वितरण करण्यात आले. यावेळी माजी नगराध्यक्षा ॲड. चिमण डांगे, अरुणादेवी पाटील, महिला जिल्हाध्यक्षा सुस्मिता जाधव, तालुकाध्यक्षा सुनीता देशमाने, युवक शहराध्यक्ष सचिन कोळी, नगरसेविका सुनीता सपकाळ, संगीता कांबळे, रूपाली जाधव उपस्थित होत्या.
यावेळी शहाजी पाटील, खंडेराव जाधव, महिला शहराध्यक्षा रोझा किणीकर, उषा पंडित-मोरे, परीक्षक अनिल खटावकर यांनीही मनोगत व्यक्त केले.
या स्पर्धेत भाग्यश्री खट्टे यांनी प्रथम, नेहा जाधव यांनी द्वितीय, सुरेखा वीरकर यांनी तृतीय, सुप्रिया पेठकर यांनी चतुर्थ, संगीता कांबळे यांनी पाचवा क्रमांक पटकाविला. स्मिता खटावकर, वैष्णवी भोसले, लक्ष्मी ताटे, माधुरी खोत, अंजली पेठकर, शैलेजा चव्हाण, राजश्री देशमुख, शारदा डुबल, कल्पना उबारे, रुची मानकर, अवंतिका क्षीरसागर, गीतांजली सूर्यवंशी, गौरी चिवटे, माधुरी पाटील याही स्पर्धेच्या विजेत्या ठरल्या. अनिल खटावकर, संजय श्रीखंडे यांनी स्पर्धेचे परीक्षण केले.
याप्रसंगी राजारामबापू बँकेचे अध्यक्ष प्रा. शामराव पाटील, राष्ट्रवादीचे सरचिटणीस बाळासाहेब पाटील, संजय गांधी योजनेचे अध्यक्ष संजय पाटील, बँकेच्या संचालिका दीपा देशपांडे, शैलेजा जाधव उपस्थित होत्या.
युवती शहराध्यक्षा प्रियांका साळुंखे यांनी स्वागत केले. महिला राष्ट्रवादीच्या शहर उपाध्यक्षा पुष्पलता खरात यांनी आभार मानले. महिला राष्ट्रवादीच्या प्रदेश सदस्या कमल पाटील यांनी सूत्रसंचालन केले.