मिरज : मिरज-सांगली रस्त्यावर कृपामयीसमोर शुक्रवारी सकाळी मालवाहू ट्रेलरची दुसºया ट्रेलरला धडक बसल्याने ट्रेलर रस्ता दुभाजकावर उलटला. या अपघातात ट्रेलर चालक गुलाबसिंग मंगलसिंग (वय ३२, रा. मिर्झापूर, उत्तर प्रदेश) हा जखमी झाला. अपघातामुळे सांगली-मिरज रस्त्यावरील वाहतूक काही वेळ विस्कळीत झाली होती.
शुक्रवारी सकाळी गुलाबसिंग मंगलसिंग हा मोठ्या लोखंडी पट्ट्यांचे रोल असलेला १६ चाकी ट्रेलर (क्र. पीबी ०२ एव्ही ८६८९) घेऊन मिरजेकडे येत होता. या ट्रेलरमागे असलेला दुसरा ट्रेलर (क्र. पीबी ११ बीयू ४६६९) घेऊन चंद्रभाग श्रीराम सिंग (३३, रा. कळंबोली, मुंबई) हे जात होते. ही दोन्ही वाहने कृपामयीजवळ आली असता, तेथील गतिरोधकावर गुलाबसिंग यांचा ताबा सुटून त्यांचा ट्रेलर रस्ता दुभाजकावर उलटला. याचवेळी मागून येणाºया ट्रेलरची त्यास धडक बसली. दोन अवजड वाहनांच्या जोरदार अपघातात,
दोन्ही वाहने एकमेकांच्या विरूध्द दिशेला जाऊन पडली. त्यामुळे प्रथमदर्शनी हा अपघात नेमका कसा झाला, याबाबत तर्क-वितर्क सुरू होते. जखमी ट्रेलरचालक गुलाबसिंग यांना मिरज शासकीय रूग्णालयात उपचारासाठी दाखल करण्यात आले आहे.