लेंगरे : लेंगरे (ता. खानापूर) येथील काेराेनाचा वाढता प्रादुर्भाव रोखण्यासाठी आरोग्य विभाग व प्रशासन सर्व ते प्रयत्न करीत आहेत. संसर्ग टाळण्यासाठी नागरिकांनी प्रशासनास सहकार्य करावे, असे आवाहन जिल्हा परिषद सदस्य सुहास बाबर यांनी केले.
बाबर यांनी लेंगरेत ग्रामपंचायत सदस्य व आपत्ती व्यवस्थापन समितीचे सदस्य, पोलीसपाटील, तलाठी, आरोग्य विभागातील डॉ. माधवी चव्हाण यांच्यासह पथकाने प्राथमिक आरोग्य केंद्रास भेट देऊन तेथील अडचणी जाणून घेतल्या. जिल्हा परिषद, पंचायत समिती व ग्रामपंचायत तसेच पोलीस प्रशासनाकडून लागेल ते सहकार्य देण्याची ग्वाही दिली.
प्राथमिक आरोग्य केंद्रात लस उपलब्ध करून देण्याबाबत सूचना दिल्या. कोरोना संसर्ग रोखण्यासाठी प्रशासन व आरोग्य विभाग सतर्क राहून काम करीत आहे. नागरिकांनी नियमांचे पालन करावे. मास्क, सॅनिटायझरचा वापर करावा, सोशल डिस्टन्सिंग पाळावे आदी सूचना केल्या.