सांगली : जिल्ह्यातील नवीन कोरोना रुग्णांच्या संख्येत रविवारी चांगलीच घट झाली. दिवसभरात ६२२ नवे रुग्ण आढळून येतानाच १०७१ जण कोरोनामुक्त झाले. जिल्ह्यातील ११ जणांचा मृत्यू झाला. म्युकरमायकोसिसचे नवीन एक रुग्ण, तर दोन रुग्णांचा मृ्त्यू झाला.
प्रशासनाकडून चाचण्यांचे प्रमाण कायम ठेवले असतानाही रुग्णसंख्या घटल्याने दिलासा मिळाला आहे. जिल्ह्यातील ११ जणांचा मृत्यू झाला त्यात सांगली १, मिरज २, खानापूर २, कडेगाव, तासगाव, कवठेमहांकाळ, शिराळा, वाळवा आणि मिरज तालुक्यात प्रत्येकी एकाचा मृत्यू झाला.
आरोग्य यंत्रणेने आरटीपीसीआर अंतर्गत ३९७३ जणांच्या नमुन्यांची तपासणी केली त्यात २३४ जण बाधित आढळले, तर रॅपिड अँटिजनच्या ७८९२ जणांच्या नमुने तपासणीतून ४०९ जण पॉझिटिव्ह आढळले.
उपचार घेत असलेल्या ८८८० रुग्णांपैकी ९६० जणांची प्रकृती चिंताजनक आहे. त्यात ८२१ जण ऑक्सिजनवर तर १३९ जण व्हेंटिलेटरवर उपचार घेत आहेत. परजिल्ह्यातील नवीन २१ रुग्ण उपचारास दाखल झाले.
चौकट
आतापर्यंतचे एकूण बाधित १,७०,४०६
उपचार घेत असलेले ८,८८०
कोराेनामुक्त झालेले १,५७,०१७
आतापर्यंतचे एकूण मृत्यू ४,५०९
रविवारी दिवसभरात
सांगली ९७
मिरज ४३
आटपाडी ६१
कडेगाव ५८
खानापूर ३४
पलूस २७
तासगाव ३७
जत २५
कवठेमहांकाळ ४२
मिरज तालुका ६७
शिराळा ७
वाळवा १२४