तसे तर महिलांना कशाप्रकारचे पुरूष आवडतात हा प्रत्येक पुरूषाला पडलेला प्रश्न आहे. महिलांच्या मनात काय असतं हे कुणीही सांगू शकत नाही, असे म्हटले जाते. पण एका संशोधनातून असे समोर आले आहे की, प्रभावशाली नामवंत पुरुषांना बघून महिलांचा तोल जातो. त्या त्यांच्यावर इंप्रेस होतात. अशा पुरूषांसोबत महिला मैत्री करण्यासाठी आतुर असतात. असे पुरूष त्यांना दोन भेटीत नाहीतर एकाच भेट त्यांच्याकडे आकर्षित करून घेतात.
या शोधातून समोर आले आहे की, खासकरून नेता टाईप लोक महिलांना अधिक पसंत पडतात, ज्यांची समाजात एक वेगळी ओळख आहे. द जर्नल ह्यूमन नेचरमध्ये हा रिपोर्ट पब्लिश करण्यात आला आहे. शोधकर्त्यांनी २६२ सिंगल आशियाई अमेरिकन लोकांवर हा अभ्यास केला, ज्यातून ही बाब समोर आली आहे.
एका डेटिंग अॅपच्या माध्यमातून करण्यात आलेल्या या अभ्यासात विरूद्ध सेक्सच्या लोकांना काही मिनिटे बोलण्यासाठी वेळ देण्यात आला होता. काही वेळानंतर विचारण्यात आले की, ते ज्यांच्याशी बोलले त्यांच्याशी ते पुन्हा डेटवर जाणे पसंत करतील का? ज्यांनी पुन्हा डेट्वर जाणे पसंत केले त्यांच्या डिएनए आणि जिन्सची तपासणी करण्यात आली.
त्या पुरुषांच्या डिएनएमध्ये आढळलं की, त्यांचं जेनेटिक मेकअप हे असं आहे की, त्यांच्यात सामाजिक प्रभुत्व आणि नेतृत्वाचा गुण आहे. तेच निवडलेल्या महिल्यांच्या डीएनएमध्ये आढळलं की, त्यांना असा पार्टनर हवा असतो जो कॉम्पिटेटीव्ह असावा पण सोबतच त्यांच्या प्रेमाने बोलणारा आणि वागणारा हवा असतो.
या शोधातून ही बाब समोर आली आहे की, पुरुषांच्या काही खास गुणांमुळे महिला त्यांच्याकडे आकर्षित होतात. महिला पुरूषांच्या हुशारीवर मरतात. त्यामुळेच लीडरसारख्या पुरुषांवर महिला अधिक फिदा होतात.
शोधातून असे आढळले की, महिला अशा पुरूषांकडेही आकर्षित होता जे सेंसिटीव्ह असतात. ज्यांची बोलण्याची पद्धत अट्रॅक्टीव्ह असते. सोबतच ज्यांचा सेन्स ऑफ ह्युमर चांगला असतो.