Relationship Tips : सगळ्याच तुरूणांना वाटत असतं की, त्यांच्या आयुष्यात एखादी सुंदर आणि सोबतच हुशार तरूणी असावी. त्यामुळे तरूण त्यांना आवडणाऱ्या मुलींना इम्प्रेस करण्यासाठी खूप काही करतात. पण बऱ्याचदा यात यश मिळतंच असं नाही. त्यात महिलांच्या मनात नेमकं काय असतं हे कुणालाही समजू शकत नाही. अशात तुमच्या मदतीसाठी वेगवेगळे रिसर्च येत असतात. ज्यातून महिलांबाबत आणि त्यांच्या स्वभाव-विचारांबाबत सांगितलं जात असतं.
अशाच महिलांच्या एका रिसर्चबाबत आम्ही तुम्हाला सांगणार आहोत. ज्यात खुलासा करण्यात आला आहे की, महिलांना कशाप्रकारचे पुरूष किंवा तरूण आवडतात. एका रिसर्चमधून करण्यात आलेला खुलासा काही तरुणांना आनंद देणारा ठरु शकतो. महिलांना कशाप्रकारचे पुरुष आवडतात, कशाप्रकारच्या पुरूषांकडे त्या जास्त आकर्षित होतात यावर हा रिसर्च करण्यात आला.
तुमच्याकडे आहे का ही क्वालिटी?
रिसर्चनुसार, महिला अशा पुरूषांकडे जास्त आकर्षित होतात, ज्या पुरुषांचं स्टोरी टेलिंग चांगलं असतं. म्हणजे जे पुरूष चांगल्या पद्धतीने स्टोरी सांगतात ते अधिक आकर्षक असतात, असं महिलांचं मत आहे. अशा पुरूषांकडे महिला लॉंग टर्म साथीदाराच्या रूपात बघतात.
मनावर खोलवर प्रभाव
महिला आणि पुरूष यांच्यातील संबंध अधिक चांगले होण्यासाठी बराच वेळ बोलणं आणि वेगवेगळया गोष्टी सांगणं या महत्वाची भूमिका निभावतात. ज्याप्रकारे पुरूष त्यांची गोष्टी रचतात आणि ऐकवतात ते त्यांच्या शारीरिक आणि मानसिक आयोग्यावर खोलवर प्रभाव करुन जातं.
ऑस्ट्रेलियन डॉट कॉम एयू ने साहित्य समीक्षक केरी विंटर यांचा हवाला देऊन लिहिले आहे की, ‘कथा या खोल अंतरंगासाठी असतात. त्या ऐकवणाऱ्या किंवा सांगणाऱ्याला सशक्त बनवतात. सोबतच ऐकणारा श्रोताही सशक्त बनतो. कारण कथा ऐकवणारा कसा आहे, त्याची क्षमताही यावरून माहीत होते’.