मुंबई: मुलं मुलींच्या केवळ सुंदरतेवर किंवा हॉटनेसवर फिदा होतात असे नाही, तर मुलींच्या काही खास स्वभाव आणि अदांवरही मुलं जीव ओवाळतात. मुलींच्या अशा कितीतरी अदा असतात ज्यावर मुले घायाळ होतात. चला जाणून घेऊया मुलींच्या अशाच काही खास अदा ज्या मुलांना जास्त सेक्सी वाटतात.
* केसांशी खेळणं : मुलींच्या चेह-यावर जेव्हा त्यांचे केस लुडबूड करतात आणि मुली त्या वेगवेगळ्या पद्धतीने सावरतात. तेव्हा मुलांची त्यांच्यावरून नजर हटत नाही. सतत आपल्या केसांसोबत खेळणं ही काही मुलींची खास सवय असते. हीच अदाही अनेकांना आवडते.
* गंमतीशीर अंदाज: मुलींचा ह्यूमरही अनेकांना भावतो. मुलांपेक्षा मुलींचा ह्यूमर जरा वेगळा असतो त्याकडे मुले आकर्षित होतात. त्यांचं विनोदी पद्धतीने बोलणं, स्वत:वरच हसणं, हे मुलांना खूप आवडतं.
* वेगळे विचार : इतरांपेक्षा वेगळा विचार करणारी, स्वत:च्या विचारांनी वागणाऱ्या मुली मुलांना आवडतात. या मुली दुसरे काय करतात याचा विचार अजिबात करत नाहीत, त्यांना काय करायचे आहेत ते त्या करतात.
* हुशार मुली: हुशार मुली सर्वांनाच पसंत असतात. सुंदरतेसोबत स्मार्टनेस असला तर सोने पे सुहागा…ज्या मुली मालिकां व्यतिरिक्त देशात होत असलेल्या इतरही गोष्टींवर त्यांचे विचार व्यक्त करतात, अशा मुली मुलांना अधिक आवडतात.
* खुल्या विचारांच्या मुली: ज्या मुली स्वत:च्या विचारांनी तिला मिळालेलं स्वातंत्र्य संतुलित करून वागतात, अशा मुलीही मुलांना अधिक भावतात. अशा मुली स्पष्टवक्त्या असतात. त्यामुळे त्यांच्या वागण्यातही एक पारदर्शीपणा असतो, जो मुलांना आवडतो.
* क्यूट स्माईल : काही मुलींचं हास्य हे मुलांना आकर्षित करण्यास कारणीभूत ठरतात. त्यांच्यातील सुंदर स्मित हास्य मुलांना अधिक भावतं. मुलींचं लाजत हसणं हे तर अनेकांना घायाळ करतं.
* साहसी मुली: ज्या मुली साहसी बेधडक असतात अशा मुलीही मुलांच्या मनात घर करतात. अशा स्वभावाच्या मुली त्यांचं आय़ुष्य बिनधास्त पद्धतीने जगतात, त्यांच्यात एक वेगळेपण असतं. जे मुलांना त्यांच्याकडे आकर्षित करण्यास कारणीभूत ठरतं.
* स्पष्टवक्त्या मुली: स्पष्टपणा हा तसा अनेकांना आवडत नाही, पण काही मुले असे असतात ज्यांना स्पष्ट बोलणा-या मुली आवडतात. उगाच खोटं खोटं बोलून इतरांना इम्प्रेस करणं हे काही मुलांना पटत नाही, त्यामुळे जे आहे ते तोंडावर बोलणा-या मुलीही मुलांना भावतात.