रत्नागिरी : जिल्हा परिषद आणि पंचायत समितीच्या सार्वत्रिक निवडणुकीसाठी शनिवारी दुपारी दीड वाजेपर्यंत जिल्ह्यात ३९.५२ टक्के मतदान झाले. आत्तापर्यंत सर्वाधिक गुहागर (४२.४३ टक्के) त्या खालोखाल रत्नागिरी (४०.१५ टक्के) तालुक्यात मतदान झाले.रत्नागिरी जिल्ह्यातील ५६ गट आणि ११२ गणांची सार्वत्रिक निवडणूक जाहीर झाली आहे. या निवडणुकासाठी शनिवारी सकाळी साडे वाजता मतदानाला प्रारंभ झाला. मात्र, सुरूवातीपासून मतदानाला संथ प्रतिसाद होता. अनेक मतदान केंदांवरील मतदान यंत्रांमध्ये बिघाड झाल्याने प्रक्रिया विस्कळीत झाली. त्यामुळे मतदानाच्या आकडेवारीलाही विलंब होत गेला.शनिवारी सकाळी ७:३० ते ९:३० या वेळेत ११.२४ टक्के मतदान झाले. ११:३० वाजेपर्यंत २६.४८ टक्के मतदान झाले. तर पुढच्या दोन तासांपर्यंत म्हणजे दुपारी दीड वाजेपर्यंत जिल्ह्यात ३९.५२ टक्के मतदान झाले. जिल्ह्यात एकूण ११ लाख ७३ हजार ९०२ मतदार आहेत. यापैकी दुपारी दीड वाजेपर्यंत ४ लाख ६३ हजार ९०४ मतदारांनी आपला हक्क बजावला. यात महिला मतदारांची संख्या २,३७,७५३ तर पुरूष मतदारांची संख्या २, २६,१५० इतकी आहे.
Web Summary : Ratnagiri district saw 39.52% voting by 1:30 PM for ZP elections. Guhagar led with 42.43%, followed by Ratnagiri at 40.15%. Technical glitches caused delays. Of 1,173,902 voters, 463,904 had voted, including 237,753 women.
Web Summary : रत्नागिरी जिले में दोपहर 1:30 बजे तक जिला परिषद चुनावों के लिए 39.52% मतदान हुआ। गुहागर 42.43% के साथ सबसे आगे रहा, जिसके बाद रत्नागिरी में 40.15% मतदान हुआ। तकनीकी खराबी के कारण देरी हुई। 11,73,902 मतदाताओं में से 4,63,904 ने मतदान किया, जिनमें 2,37,753 महिलाएं शामिल हैं।