चिपळूण : शिवसेनेचे युवासेनाप्रमुख आदित्य ठाकरे शनिवार, २३ रोजी चिपळूण दौऱ्यावर येत आहेत. त्यांच्या प्रमुख उपस्थितीत विविध कार्यक्रमांचे आयोजन करण्यात आले आहे.आदित्य ठाकरे यांचे दुपारी मांडवी एक्स्प्रेसने चिपळुणात आगमन होणार आहे. दुपारी १ ते २ या वेळेत स्वामी मंगल कार्यालय, बहादूरशेख नाका येथे आठवी ते दहावीच्या विद्यार्थ्यांसाठी ई लर्निंगसंदर्भात आयोजित कार्यक्रमात ते मार्गदर्शन करणार आहेत.
दुपारी २ ते ३ शासकीय विश्रामगृह येथे राखीव, दुपारी ३ ते ४ या वेळेत कापसाळ येथील माटे भोजने सभागृहात आयोजित जिल्हा कार्यकारिणीच्या बैठकीला ते मार्गदर्शन करणार आहेत.
दुपारी ४ वाजता भोगाळे येथील मैदानात आयोजित केलेल्या राज्यस्तरीय खो-खो स्पर्धेचा उद्घाटन सोहळा त्यांच्या उपस्थितीत पार पडणार आहे. शिवसेनेचे पदाधिकारी, कार्यकर्त्यांनी उपस्थित राहावे, असे आवाहन करण्यात आले आहे.