मेष- नोकरीत आर्थिकदृष्ट्या चांगली परिस्थिती राहील. पण एखादी मनस्ताप वाढवणारी घटना घडू शकते. फसवणूक होणार नाही याची दक्षता घ्या. कागदपत्रांची तपासणी करून मगच सही करा. गृहसौख्यात वाढ होईल. मुलांच्या यशामुळे उत्साह निर्माण होईल.
वृषभ- व्यवसायात फार मोठे धाडस करू नका. कदाचित अंगलट येण्याची शक्यता आहे. जवळच्या लोकांशी जपून व्यवहार करा. भावनेच्या भरात निर्णय घेऊ नका. काहींना प्रवास करावा लागण्याची शक्यता आहे. वडिलोपार्जित संपत्ती मिळेल. कागदपत्रे वाचून सही करा.
मिथुन- आज दगदग होण्याची शक्यता आहे. मनात काही शंका-कुशंका राहतील. तब्येतीची काळजी घ्या. खाण्या-पिण्यावर नियंत्रण ठेवा. जोडीदार आपल्या मनाप्रमाणे वागेल. मुलांवर लक्ष ठेवा. प्रवास शक्यतो टाळलेला बरा. आर्थिक आवक सामान्य राहील.
कर्क- जीवनसाथीबरोबर मधुर संबंध राहतील. गैरसमज होणार नाहीत याची मात्र काळजी घेणे आवश्यक आहे. मानसिक तणाव वाढल्यासारखा वाटेल. आर्थिक परिस्थिती चांगली राहील. नोकरीमध्ये आपला प्रभाव राहील. आरोग्याची मात्र काळजी घेणे आवश्यक आहे.
सिंह- मनावर थोडे दडपण राहील. खर्चाचे प्रमाण वाढलेले राहील. पैशाची आवक चांगली राहील. नोकरीमध्ये सामान्य परिस्थिती असेल. प्रवास करू नका. दगदगीची कामे टाळा. नातेवाईकांच्या भेटीगाठी होतील. गप्पाटप्पा होतील. त्यामुळे मनावरील ताण कमी होईल.
कन्या- आर्थिक भरभराट होईल. मनाप्रमाणे आर्थिक प्राप्ती होईल. भाग्याची चांगली साथ राहील. नोकरीमध्ये तुमचे वर्चस्व राहील. अधिकार मिळतील. तब्येतीला थोडे जपा. मुलांची काळजी वाटेल. मात्र, मुलांशी संवाद साधला तर बरे राहील.
तूळ- नोकरीमध्ये प्रगती होईल. सुखसोयींमध्ये वाढ होईल. काहींची बदली होण्याची शक्यता आहे. भाग्याची उत्तम साथ राहील. हातून धार्मिक पूजापाठ घडतील. समाजसेवेमध्ये आपण अग्रेसर असाल. प्रसंगी पदरमोड करून आपण पुढारीपण गाजवाल.
वृश्चिक- भाग्याची उत्तम साथ राहील. प्रवास घडतील. अपरिचित लोकांपासून जपा. भावंडांशी वाद होण्याची शक्यता आहे. आर्थिक परिस्थिती चांगली राहील. जीवनसाथीची आपल्याला मदत मिळेल. मित्र-मैत्रिणींच्या भेटीगाठी होतील.
धनू- आर्थिक आवक चांगली राहील. उधारीचे पैसे मिळण्यात थोड्या अडचणी येऊ शकतील. खर्चाला लगाम घालायला हवा. पैतृक संपत्तीच्या कामांमध्ये अडचणी उद्भवतील. व्यवसायात ठीकठाक परिस्थिती राहील. आरोग्याची काळजी घ्या. वादविवाद घालू नका.
मकर- मित्र-मैत्रिणींच्या सहवासात काळ आनंदात जाईल. जोडीदाराशी मधुर संबंध राहतील. एखाद्या मोहामध्ये अडकू नका. भावंडांशी वाद होण्याची शक्यता आहे. आर्थिक आवक चांगली राहील. मुलांना चांगले यश मिळेल. नोकरीमध्ये सहकाऱ्यांशी किंवा वरिष्ठांशी वाद टाळा.
कुंभ- मनावर थोडे काळजीचे सावट राहील. खर्चाचे प्रमाण वाढेल. आर्थिक परिस्थिती साधारण राहील. नोकरीमध्ये प्रगती होईल. प्रवासाचे योग आहेत. कामानिमित्त फिरावे लागेल. मुलांना चांगल्या संधी चालून येतील. जोडीदार आपल्याला उत्तम साथ देईल.
मीन- भावंडांच्या भेटीगाठी होतील. गप्पा-टप्पा होतील. नोकरीमध्ये आपला चांगला काळ आहे. लोक आपला सल्ला घेतील. आपल्या मनाप्रमाणे ऐकतील. आर्थिक स्थिती चांगली राहील. खर्च वाढतील. जोडीदाराची चांगली साथ मिळेल.