कुंभ राशीच्या व्यक्ती खूप विचारशील असतात व आपल्या ह्या स्वभावामुळे ते बरेचदा अचूक निर्णय घेऊ शकतात. असे असले तरी काहीवेळा त्यांना आपल्या निर्णयात बदल सुद्धा करावा लागतो. अशा परिस्थितीत त्यांना आपल्या विवेकबुद्धीचा आश्रय घ्यावा लागतो. हीच विवेकबुद्धी २०२१ दरम्यान कुंभ राशीच्या जातकांच्या मदतीस येईल. ह्या वर्षी आपणास आपल्या आरोग्याकडे सुद्धा लक्ष द्यावे लागेल. इतकेच नव्हे तर आपल्या प्राप्तीपेक्षा खर्च जास्त होऊन आपल्यावर पश्चातापाची पाळी येऊ नये म्हणून आपल्या खर्चिक वृतीवर आळा सुद्धा घालावा लागेल. कौटुंबिक वातावरण चांगले राहिले तरी कामाच्या व्यस्ततेमुळे आपण कुटुंबा पासून दूर व्हाल किंवा कौटुंबिक सौख्यास पारखे व्हाल व त्यामुळे आपणास सतत कुटुंबीयांची आठवण येत राहील. असे असले तरी कामास महत्व दिल्यामुळे आपणास कुटुंबियांपासून दूरच राहावे लागेल. २०२१ दरम्यान आपले विरोधक परिस्थितीचा फायदा घेऊन आपल्या विरुद्ध कट - कारस्थान रचून आपणास व्यावसायिक व वैयक्तिक जीवनात त्रास देण्याचा प्रयत्न करतील. अशा परिस्थितीत विरोधकांवर मात करण्यासाठी आपणास सतर्क राहावे लागेल. नोकरी व व्यापाराच्या दृष्टीने हे वर्ष शुभ फलदायी राहणारे असून आपणास नवीन काही शिकविणारे आहे. सर्वस्व गमावून सुद्धा इतरांना मदत करण्याची वृत्ती आपल्यात निर्माण होईल जी आपणास लोकप्रिय होण्यास कारणीभूत ठरेल व त्यामुळे जीवनातील आपले स्थान उंचावले जाण्यास मदत होईल. आपण आपल्या कुटुंबियांची संपूर्ण जवाबदारी उचलून आवश्यकतेनुसार त्यांना आर्थिक मदत सुद्धा कराल. कोणत्याही परिस्थितीस सामोरे जाताना आपण त्यांना एकटे सोडणार तर नाहीच परंतु त्यात सहभागी सुद्धा व्हाल. ह्याचमुळे आपणास कुटुंबात महत्व प्राप्त होईल. आपणास जर एखादे मोठे भावंड असेल तर त्याच्याशी संबंध बिघडून आपले नुकसान होणार नाही ह्याची काळजी घ्यावी लागेल. कामाच्या ठिकाणी जे काम आपल्या योग्य आहे ते आपणास मिळत नसल्याचे अनेकदा आपणास वाटत राहिल्यास परिस्थितीचे अचूक आकलन करण्याचा प्रयत्न करा. वास्तविक स्थिती तशी नसून तो आपला भ्रम ठरण्याची शक्यता असल्याने चुकीचे पाऊल उचलू नये. कुंभ राशीचे जे जातक परदेशी जाऊ इच्छितात त्यांच्यासाठी २०२१ चे वर्ष अत्यंत अनुकूल असून त्यांच्या प्रयत्नात ते यशस्वी होऊ शकतील.
वैवाहिक जीवन (Aquarius, Love and relationship Horoscope 2021)
वैवाहिक जीवनाच्या दृष्टिकोनातून कुंभ राशीच्या जातकांसाठी २०२१ ची सुरवात आनंददायी वातावरणात झाल्याने आपल्या मनातील भावना आपल्या प्रिय व्यक्ती जवळ मोकळेपणाने व्यक्त करता येतील. त्या व्यक्तीस सुद्धा आपण त्यांच्या मनातील भावनाच व्यक्त करत असल्याचे जाणवेल. त्यामुळे आपल्यातील जवळीक वाढेल. मार्च ते एप्रिल दरम्यानचे दिवस वैवाहिक जीवनासाठी तितकेसे अनुकूल नसल्याने ह्या दिवसात किरकोळ वादापासून दूर राहावे. त्या नंतर आपणास आपल्या प्रकृतीकडे लक्ष देऊन आपले संबंध दृढ करण्यासाठी प्रयत्न करावे लागतील. वर्षाचा उत्तरार्ध अत्यंत अनुकूल आहे. कुंभ राशीच्या विवाहितांना वर्षाच्या सुरवातीस जोडीदाराच्या माध्यमातून मोठा लाभ होण्याची शक्यता असून त्यामुळे आपणास असीमित आनंद होईल. फेब्रुवारी महिना वैवाहिक जीवनासाठी काहीसा प्रतिकूल आहे. तसेच जुलै व ऑगस्ट हे महिने सुद्धा प्रतिकूल आहेत. हा प्रतिकूल कालखंड वगळता उर्वरित कालखंड आपल्या वैवाहिक जीवनासाठी अनुकूल असून त्या दरम्यान आपल्यातील जवळीक वृद्धिंगत होईल.
१२ राशींचे २०२१ चे भविष्य वाचण्यासाठी क्लिक करा!
आर्थिक (Aquarius, Finance Horoscope 2021)
आर्थिक स्थितीच्या दृष्टिकोनातून २०२१ ची सुरवात काहीशी नाजूक होईल. ह्या वर्षी आपल्या खर्चात वाढ झाल्याने आर्थिकदृष्ट्या मध्यम स्वरूपातील यश आपणास प्राप्त होईल. हा अतिरिक्त खर्च आपल्या प्रकृतीसाठी होणारा असेल. आपल्या आर्थिक स्थितीवर गंभीर परिणाम होण्या इतके हे वाढीव खर्च असतील. आपल्या प्राप्तीत वाढ झाली तरी वाढीव खर्च आपल्या त्रासास कारणीभूत ठरतील. कुटुंबातील एखाद्या व्यक्तीच्या प्रकृतीसाठीसुद्धा आपणास खर्च करावा लागेल. २०२१ च्या सुरवातीस आपल्या वैवाहिक जोडीदाराच्या इच्छा पूर्ण करण्यासाठी सुद्धा आपणास खर्च करावा लागेल. अशी परिस्थिती हाताळण्यासाठी आपणास निधीचे योग्य आयोजन करून ठेवावे लागेल. ह्या वर्षी विशेष आर्थिक लाभ होण्याची शक्यता नसल्याने आर्थिक गुंतवणूक करताना काळजी घ्यावी.
नोकरी, व्यवसाय, करिअर (Aquarius , Job-Career-Business Horoscope 2021)
कुंभ राशीच्या नोकरी करणाऱ्या जातकांसाठी २०२१ ची सुरवात चांगली होणार आहे. नशिबाची साथ मिळाल्याने नोकरीत स्थानांतर किंवा पदोन्नती किंवा दोन्हींची शक्यता असून ह्या दोन्हीही आपल्यासाठी फायदेशीर होतील. त्यामुळे आपले पद व पगार सुद्धा वाढेल. आपल्या उत्तम कुशलतेमुळे आपली कामगिरी सुद्धा उंचावेल. त्यामुळे आपले वरिष्ठ आपल्यावर प्रसन्न होऊन आपली प्रतिमा सुद्धा उंचावेल. कुंभ राशीच्या व्यापाऱ्यांना २०२१ च्या पहिल्या महिन्या पासूनच दूरवरच्या प्रवासाच्या माध्यमातून मोठ्या ऑर्डर्स मिळण्यास सुरवात होऊन व्यापार वृद्धी होण्याची शक्यता आहे. ह्या वर्षी आपणास आपल्या व्यक्तिगत संपर्काचा सुद्धा फायदा होऊन व्यापारास गती मिळेल. असे असले तरी एप्रिल ते जुलै दरम्यान व्यापाराची स्थिती काहीशी नाजूक राहण्याच्या शक्यतेमुळे त्या दरम्यान थोडी काळजी घ्यावी.
शिक्षण (Aquarius, Education Horoscope 2021)
कुंभ राशीच्या विद्यार्थ्यांसाठी २०२१ ची सुरवात खूपच चांगली होईल. अभ्यासात आपले लक्ष चांगले लागेल. काही नवीन विषय शिकण्याची आपली गोडी वाढल्याने आपल्या शिक्षकांच्या संपर्कात आपण येऊन त्यांच्या कडून चांगले ज्ञान प्राप्त कराल. ह्या वर्षी आपली तीव्र बुद्धी आपल्या मदतीस आल्याने कमीत कमी वेळात आपण अधिक काही शिकून घेऊ शकाल. आपण जर उच्च शिक्षणासाठी प्रयत्नशील असाल तर २०२१ च्या सुरवातीस प्रयत्न वाढवल्यास आपणास चांगले यश प्राप्त होऊ शकेल. विशेषतः जे जातक अभियांत्रिकी, वैद्यकीय किंवा व्यवस्थापन ह्या अभ्यासक्रमाची तयारी करत असतील त्यांना ह्या वर्षी घवघवीत यश प्राप्त होईल. कुंभ राशीचे जे जातक विदेशात जाण्याची स्वप्ने बाळगून असतील त्यांचे स्वप्न पूर्ण झाले तरी तेथील शिक्षणात काही ना काही कारणाने अडथळे निर्माण होतील. काही काळासाठी आपणास त्रास सहन करावा लागू शकतो.
आरोग्य (Aquarius, Health Horoscope 2021)
कुंभ राशीच्या जातकांसाठी आरोग्याच्या दृष्टिकोनातून २०२१ ची सुरवात मध्यम फलदायी असली तरी ह्या पूर्ण वर्षात सतत आरोग्य विषयक त्रास होण्याच्या शक्यतेमुळे आपणास आरोग्याची खूप काळजी घ्यावी लागेल. आपणास आपल्या शरीराची योग्य काळजी घ्यावयाची असल्याने दिनचर्येचा समतोल साधावा लागेल. तसे केल्यासच आपण निरोगी राहू शकाल. आपणास मुख्यतः पायदुखी किंवा पायास दुखापत होण्याची शक्यता आहे. ह्या व्यतिरिक्त अनिद्रा किंवा मानसिक चिंता वाढून त्रास निर्माण होऊ शकतो. आपणास सध्या साडेसाती असल्याने मानसिक ताण वाढण्याची शक्यता आहे. अशा स्थितीत स्वतःच्या आरोग्याकडे लक्ष देणे उचित ठरेल. विशेषतः वर्षाच्या मध्यास आरोग्याची अधिक काळजी घ्यावी. उर्वरित काळ आपल्यासाठी चांगला आहे.