बिरवाडी : रायगड लोकसभा मतदार संघातील मतदान केंद्र प्रमुख व शिवसेनेच्या गटप्रमुखांना मार्गदर्शन करण्यासाठी शिवसेना पक्षप्रमुख उद्धव ठाकरे गुरुवारी महाडमध्ये येणार आहेत. भिलारे मैदानात गुरुवारी सकाळी १०.३० वाजता होणाऱ्या या मेळाव्यात ते कोणती घोषणा करणार, याकडे सर्वांचे लक्ष लागून राहिले आहे. तसेच चोख पोलीस बंदोबस्त तैनात करण्यात आला आहे. या वेळी शिवसैनिकांची बाइकरॅलीही निघणार आहे. या मेळाव्याकरिता ७० हजार स्क्वेअर फीटचा भव्य शामियाना उभारण्यात आला आहे. तसेच सात हजार खुर्च्यांची आसनव्यवस्था, अतिमहत्त्वाच्या व्यक्तींची वेगळी आसन व्यवस्था, पत्रकार कक्ष अशी जय्यत तयारी करण्यात आली आहे.या मेळाव्यात शिवसेना पक्षप्रमुख उद्धव ठाकरे यांच्यासह केंद्रीय मंत्री अनंत गीते, रत्नागिरीचे पालकमंत्री रवींद्र वायकर, उद्योगमंत्री सुभाष देसाई, आमदार भरत गोगावले, जिल्हाप्रमुख रवि मुंढे, दक्षिण रायगड युवा सेना अधिकारी विकास गोगावले, महाड विधानसभा शिवसेना सहसंपर्कप्रमुख विजय सावंत, महाड तालुकाप्रमुख सुरेश महाडिक, पोलादपूर तालुकाप्रमुख नीलेश आहिरे, माणगाव तालुकाप्रमुख अनिल नवगणे आदी मान्यवर उपस्थित राहणार आहेत.
उद्धव ठाकरे आज महाडमध्ये
By ऑनलाइन लोकमत | Updated: October 31, 2018 23:37 IST