दांडा येथील अपघातात एक ठार, एक जखमी

मुरुड तालुक्यातील दांडा येथे कारने ठोकर दिल्याने एकाचा मृत्यू तर एक जण गंभीर

बोर्ली मांडला /आगरदांडा : मुरुड तालुक्यातील दांडा येथे कारने ठोकर दिल्याने एकाचा मृत्यू तर एक जण गंभीर जखमी झाला आहे.या अपघातात इकली गणपत पवार (रा. नांदगाव-दांडा अदिवासीवाडी) या महिलेचा मृत्यू झाला तर इंदा गणेश पवार ही महिला जखमी झाली आहे. या प्रकरणी समर्थ हरी भालेराव ( रा. कल्याण, मूळ राहणार औरंगबाद ) या वाहनचालकास अटक करण्यात आली आहे. समर्थ हा मुरुडकडून साळावकडे हुंदाई कार क्र मांक एम एच ०२ बीडी ११६३ घेऊन येत असताना दांडा गावानजीक रस्त्याने चालत असलेल्या इकली गणपत पवार आणि इंदा गणेश पवार या दोन आदिवासी महिलांना ठोकर दिली. अपघातानंतर वाहनचालक हा पळून गेला असता साळाव येथील तपासणी नाक्यावर गाडी अडवून अटक केली.