निखिल म्हात्रेअलिबाग : ग्रामीण भागासह शहरात कोरोनाबाधितांची संख्या झपाट्याने वाढत आहे. कोरोना विषाणूची चेन ब्रेक करण्यासाठी एका जिल्ह्यातून दुसऱ्या जिल्ह्यात जायचे असल्यास तसेच एका शहरातून दुसऱ्या शहरात जाण्यासाठी ई-पास सक्तीचा करण्यात आला आहे. ई-पास नसेल तर अत्यावश्यक सेवा वगळता पोलीस कोणालाही जिल्ह्यात येऊच देत नाहीत.
कोरोना विषाणूच्या दुसऱ्या लाटेने उग्ररूप धारण केल्यानंतर राज्यात ई-पासशिवाय कुठल्याही शहरात आता प्रवेश दिला जात नाही. शहरात ठिकठिकाणी पोलीस बंदोबस्त तैनात करण्यात आला आहे. जिल्ह्यातील प्रत्येक चेकिंग पाॅइंटवर येणाऱ्या प्रत्येक वाहनाची तपासणी करण्यात येत आहे. तसेच एखाद्याकडे ई-पास नसल्यास त्याच्यावर कारवाई करीत माघारी पाठवत आहेत. त्यामुळे आता बाहेरून येणारे या कारवाईला घाबरत आहेत हे नक्की. तर दुसरीकडे शहरात विनाकारण फिरणाऱ्यांवरही कारवाई करण्यात आहे. तसेच शहरात दाखल होणाऱ्यांना ई-पास तपासणी केल्याशिवाय प्रवेश मिळत नसल्याचे सध्या दिसून येत आहे.