उरुळी कांचन : हवेली तालुका पंचायत समिती व जिल्हा परिषद निवडणुकांचे निकाल जाहीर झाले असून पंचायत समितीतील सत्तेच्या चाव्या अपक्ष सदस्यांच्या हाती गेल्या आहेत. एकूण १२ जागांपैकी राष्ट्रवादी काँग्रेसला (अजित पवार गट) सर्वाधिक ६ जागा, भाजपाला ४ जागा, शिवसेना शिंदे गटाला १ जागा तर १ जागा अपक्ष उमेदवाराने पटकावली आहे. बहुमताचा आकडा ७ असताना कोणत्याही पक्षाला स्पष्ट बहुमत न मिळाल्याने पंचायत समितीतील सत्तास्थापनेत अपक्ष सदस्य निर्णायक ठरणार की कोण याकडे लक्ष लागले आहे.
दरम्यान, हवेली तालुक्यातील जिल्हा परिषद निवडणुकांमध्ये राष्ट्रवादी काँग्रेसने वर्चस्व राखत ६ पैकी ४ जागा जिंकल्या आहेत. भाजपाला १ तर शिवसेना शिंदे गटाला १ जागा मिळाली आहे.
मतमोजणी शांततेत पार -हवेली पंचायत समिती व जिल्हा परिषद निवडणुकांची मतमोजणी प्रक्रिया पुण्यातील सिंहगड कॉलेज येथे पार पडली. सकाळी १० वाजता सुरू झालेली मतमोजणी सायंकाळी ६ वाजेपर्यंत सुरू होती. निवडणूक अधिकारी यशवंत माने, तहसीलदार तृप्ती कोलते, तहसीलदार अर्चना निकम व त्यांच्या सहकाऱ्यांच्या मार्गदर्शनाखाली संपूर्ण प्रक्रिया पारदर्शक व शांततेत पार पडली.
गटनिहाय निकाल -गट क्रमांक ३७ – पेरणे-लोणीकंदजिल्हा परिषद गटातून राष्ट्रवादी काँग्रेसच्या किरण साकोरे यांनी ३,०५१ मतांनी विजय मिळवला. विजयी किरण साकोरे – १५,२३४पराभूत : प्रदीप वसंत कंद (भाजपा) – १२,१८३पंचायत समिती लोणीकंद गण (७३) मध्ये मोनिका कंद (भाजपा) ४,४८६ मतांनी विजयी ठरल्या.पेरणे गण (७४) मध्ये राणी वाळके यांनी अवघ्या २९२ मतांनी विजय मिळवला.लोणीकंद–पेरणे गट व गणात भाजपाचे तिन्ही उमेदवार विजयी ठरले.
गट क्रमांक ३८ – कोरेगाव मूळजिल्हा परिषद गटातून राष्ट्रवादी काँग्रेसच्या सुरेखा हरगुडे यांनी ९,०३४ मतांनी भाजपाच्या कविता पायगुडे यांचा पराभव केला.पंचायत समिती केसनानंद गण (७५) मध्ये भाजपाचे कुशाल सातव ४,४३७ मतांनी विजयी झाले.नायगाव गण (७६) मध्ये राष्ट्रवादीचे मनोज ऊर्फ कृषीराज चौधरी केवळ ४ मतांनी विजयी ठरले.
या गटात जिल्हा परिषद राष्ट्रवादीकडे, पंचायत समितीत राष्ट्रवादी व भाजप प्रत्येकी एक जागा.गट क्रमांक ३९ – उरुळी कांचन-सोरतापवाडीजिल्हा परिषद गटातून राष्ट्रवादीचे जितेंद्र बडेकर १,६०१ मतांनी विजयी झाले. पंचायत समिती उरुळी कांचन गण (७७) मध्ये कोमल कांबळे (राष्ट्रवादी) २,६३५ मतांनी विजयी.सोरतापवाडी गण (७८) मध्ये भाजपाचे सुदर्शन चौधरी ६८७ मतांनी विजयी.
जिल्हा परिषद राष्ट्रवादीकडे, पंचायत समितीत राष्ट्रवादी व भाजप प्रत्येकी एक जागा.गट क्रमांक ४० – थेऊर-आव्हाळवाडीजिल्हा परिषद गटातून राष्ट्रवादीच्या कोमल संदेश आव्हाळे यांनी तब्बल १४,१४६ मतांनी मोठा विजय मिळवला.पंचायत समिती थेऊर गण (७९) मध्ये युवराज काकडे (राष्ट्रवादी) ५,२१२ मतांनी विजयी.आव्हाळवाडी-थेऊर गण (८०) मध्ये सुषमा मुरकुटे (राष्ट्रवादी) ५,३०५ मतांनी विजयी.
या गटात जिल्हा परिषद व पंचायत समितीवर राष्ट्रवादीचे पूर्ण वर्चस्व.
गट क्रमांक ४१ – लोणी काळभोर-कदमवाक वस्ती -जिल्हा परिषद गटातून राष्ट्रवादीच्या शीतल कांबळे ४,८१० मतांनी विजयी ठरल्या.पंचायत समिती गण (८१) मध्ये अमोल टेकाळे (राष्ट्रवादी) अवघ्या २२० मतांनी विजयी.वडकी गण (८२) मध्ये विद्या गायकवाड (अपक्ष) १२८ मतांनी विजयी ठरल्या.येथे पंचायत समितीत अपक्ष उमेदवार निर्णायक ठरला आहे.गट क्रमांक ४२ – खेड शिवापूरजिल्हा परिषद गटातून रुपाली कोंडे (शिवसेना शिंदे गट) ५,१०५ मतांनी विजयी झाल्या.पंचायत समिती खेड शिवापूर गण (८३) मध्ये शुभांगी खिरीड (शिंदे गट) विजयी.खानापूर गण (८४) मध्ये युवराज वांजळे (राष्ट्रवादी) १,७०७ मतांनी विजयी.
हवेली तालुक्यात जिल्हा परिषदेत राष्ट्रवादी काँग्रेसने आघाडी घेतली असली तरी पंचायत समितीत स्पष्ट बहुमत न मिळाल्याने सत्तास्थापनेसाठी राजकीय हालचालींना वेग आला आहे. अपक्ष सदस्यांची भूमिका पुढील राजकारणाची दिशा ठरवणारी ठरणार असल्याचे स्पष्ट झाले आहे.
Web Summary : Haveli Panchayat Samiti elections resulted in a split verdict. Nationalist Congress Party won the most seats, but an independent holds the key to forming the government. NCP dominates Zilla Parishad.
Web Summary : हवेली पंचायत समिति चुनाव में विभाजित फैसला आया। राष्ट्रवादी कांग्रेस पार्टी ने सबसे अधिक सीटें जीतीं, लेकिन एक निर्दलीय सरकार बनाने की कुंजी रखता है। राकांपा का जिला परिषद में दबदबा है।