असलम फकीर मोहम्मद शेख (वय ३८, रा. संगमनेर, जि. अहमदनगर), अब्दुल हक (रा. अहमदनगर) गोमांस विकत घेणारा असिफ भाई व पिकअप जीपचा मालक यांच्याविरोधात चाकण पोलिसांत गुन्हा दाखल करण्यात आला आहे. अस्लम शेख याला चाकण पोलिसांनी अटक केली आहे.
सोमवारी रात्री चाकण शिक्रापूर रोडवर एक टेम्पो (एमएच १४ एचजी 6694) गोमांस घेऊन येणार असल्याची माहिती पोलिसांना मिळाली. त्यानुसार पोलिसांनी चाकणमधील तळेगाव चौकात सापळा लावून टेम्पोची तपासणी केली. टेम्पोमध्ये दोन हजार किलो वजनाचे कापलेले गोमांस मिळाले. याबाबत विचारपूस केली असता त्याच्याकडे कोणत्याही प्रकारचा परवाना नसल्याचे आढळून आले. त्यावरून गुन्हा दाखल करत पोलिसांनी एकास अटक केली आहे. टेम्पो व गोमांस जप्त करण्यात आले आहे. चाकण पोलीस अधिक तपास करीत आहेत.