मंचर : आंबेगाव तालुक्यातील पिंपळगाव खडकी येथील ८५ वर्षीय वृद्धाने विषारी औषध प्राशन करून आत्महत्या केली. दगडु नारायण पोखरकर असे आत्महत्या केलेल्या शेतकऱ्याचे नाव असुन ही घटना मंगळवारी पहाटे घडली. आत्महत्येचे नेमके कारण समजले नाही.
यासंदर्भात मंचर पोलिसांनी दिलेल्या माहितीनुसार पिपळगाव खडकी येथील दगडु पोखरकर यांचा मुलगा सुरेश पोखरकर यांनी मंचर पोलिस ठाण्यात खबर दिली आहे.मंगळवारी पहाटे घराजवळील शेतात सुरेश पोखरकर पाणी भरण्यासाठी गेले होते.पाणी भरून घरी आल्यावर दुध काढुन गावात दुध वाटप करून घरी आलो असता सकाळी ६ च्या सुमारास वडील दगडु पोखरकर यांना झोपेतुन उठवण्याचा प्रयत्न केला. त्यावेळी ते उठले नाही.माझी पत्नी मनिषा उठवण्यास गेली असता दगडु पोखरकर यांच्या तोडातुन फेस येत असल्याचे तिने मला सांगितले.त्यावेळी त्यांची कोणतीही हालचाल होत नव्हती.त्यांच्या तोंडाचा उग्र वास येत होता.म्हणुन दगडु पोखरकर यांना मंचर उपजिल्हा रूग्णालयात सकाळी साडेसहा वाजता आणले असता तेथील डॉक्टरांनी तपासुन पाहिले असता त्यांचा वैद्यकीय उपचाराआधीच मृत्यु झाल्याचे घोषीत केले. दगडु पोखरकर यांच्या आत्महत्येचे कारण समजु शकले नाही. मंचरपोलिस ठाण्याचे पोलिस कर्मचारी सागर गायकवाड पुढील तपास करत आहे.