व्यसनमुक्तीच्या नावाखाली अमानुष मारहाण, अल्पवयीन मुलगा पडला बेशुद्ध, सहा जणांना अटक

विनेगाव येथे सुरू असणाऱ्या एका व्यसनमुक्ती केंद्रात व्यसन सोडविण्यासाठी आलेल्यांना अमानुष पद्धतीने मारहाण केली जात असल्याचे उघडकीस आले आहे. बेल्ट, सिगारेटचे चटके, दोरीने बांधून उलटे टांगणे, काठीने बांधून लटकवणे अशा अघोरी अमानुष पद्धती येथे व्यसन सोडविण्यासाठी वापरल्या जात होत्या.

खालापूर : तालुक्यातील विनेगाव येथे सुरू असणाऱ्या एका व्यसनमुक्ती केंद्रात व्यसन सोडविण्यासाठी आलेल्यांना अमानुष पद्धतीने मारहाण केली जात असल्याचे उघडकीस आले आहे. बेल्ट, सिगारेटचे चटके, दोरीने बांधून उलटे टांगणे, काठीने बांधून लटकवणे अशा अघोरी अमानुष पद्धती येथे व्यसन सोडविण्यासाठी वापरल्या जात होत्या. अशाच प्रकारे येथे एका १३ वर्षीय मुलावर करण्यात आलेले अत्याचार त्याच्या आईमुळे उघडकीस आले. त्यानंतर, त्यांनी दाखल केलेल्या तक्रारीनुसार खालापूर पोलिसांनी केंद्र चालक प्रदीप भगवानदास पटेल, मल्हार प्रदीप पटेल (राहणार मुंबई) या दोघांसह एकूण सहा जणांना अटक केली आहे .रायगड जिल्ह्याच्या मुंबई-पुणे महामार्गावरील विनेगाव येथील मॉटेरिया रिसॉर्टजवळील मुंबईतील बेटर लाइफ फाउंडेशनचे व्यसनमुक्ती केंद्र कृष्णा माई या बंगल्यात मागील काही वर्षांपासून सुरू आहे. पन्नासहून अधिक लोक या व्यसनमुक्ती केंद्रात भरती झाले आहेत. यात हनी त्यागी हा १३ वर्षीय मुलगादेखील आहे. मंगळवार, १३ मार्च रोजी हनीची आई अलिशा त्यागी मुलाला भेटण्यासाठी बेटर लाइफ संस्थेत आल्या. त्या वेळी हनी बेशुद्धावस्थेत आढळून आला. हनीच्या आईला हनीला भेटण्यास मज्जाव करण्यात आला. अखेर मोठ्या धाडसाने हनीच्या आईने केंद्रात प्रवेश करून हनीची सुटका करून घेतली आणि थेट खालापूर पोलीस स्टेशन गाठले. सुरुवातीला हनीवर चौक ग्रामीण रु ग्णालयात उपचार करण्यात आले. मात्र, पुढील उपचारासाठी हनीला नवी मुंबई येथील एमजीएम रुग्णालयात उपचारासाठी हलविण्यात आल्याचे पोलिसांनी सांगितले.>सर्वांवरच होतात अत्याचारव्यसनमुक्ती करण्याचे सोडून बेटर लाइफ संस्थेकडून केंद्रात रोजच सर्वांवर अत्याचार करण्यात येत असल्याचे म्हणणे पीडितांनी माध्यमांसमोर मांडले आहे. बेल्ट, सिगारेटचे चटके, दोरीने बांधून उलटे टांगणे, काठीने बांधून लटकवणे अशा अघोरी अमानुष पद्धतीने अत्याचार करण्यात येतो, असे येथील पीडित कांबळे यांनी सांगितले.व्यसनमुक्ती केंद्रामध्ये आम्ही उपचार घेण्यासाठी आलो आहोत. परंतु येथे उपचाराच्या नावाखाली अमानुष छळ करण्यात येत असून याची वाच्यता आतापर्यंत आम्ही कुठेही करू शकत नव्हतो. व्यसनातून बाहेर पडण्यासाठी आम्हाला मानसिक आधार देण्याऐवजी येथे होणारा शारीरिक छळ हा जीवघेणा आहे, असेही काहींनी सांगितले.>पद्धत घातक व्यसनमुक्तीसाठी अमानुष मारहाण हा मार्ग नाही. मुळात व्यसनमुक्ती केंद्र चालविणारे डॉक्टर असावेत. त्यातही अन्न औषध प्रशासनाने मान्यता दिलेली औषधेच वापरण्यात यावीत. अशा प्रकारे अघोरी आणि अमानुष अत्याचार करण्याची पद्धत अत्यंत घातक आहे. नागरिकांनी सजग होऊन केंद्राच्या परवान्यासह त्याची पूर्ण माहिती घेऊनच व्यसनमुक्ती केंद्राची निवड करावी.- डॉ. बबन नागरगोजे, व्यसनमुक्ती चळवळ कार्यकर्ते, खोपोली.परवाना नव्हता : मुळात हे केंद्र चालविण्यासाठी कसलाही परवाना नसल्याचे समोर आले आहे. अशा प्रकारे केंद्र चालविण्यासाठी अनेक परवानग्या आवश्यक असून, या घटनेची नोंद घेतली आहे. यातील दोषींवर कडक कारवाई करण्यात येईल.- जे.ए.शेख, वरिष्ठ पोलीस निरीक्षक, खालापूर.कडक कारवाई व्हावी : अमानुष वागण्यालाही एक सीमा असते, ही सीमारेषा कधीच बेटर लाइफ संस्था केंद्राने ओलांडली आहे. प्रत्येकाच्या शरीरावर मारहाणीचे व्रण उठलेत. १३ वर्षांचा हनीला खूपच लागले आहे. हे केंद्र चालविणाºयांवर कडक कारवाई होणे गरजेचे आहे.- अलिशा त्यागी, हनीची आई, नवी मुंबई.